خلیج اردو
دبئی: متحدہ عرب امارات میں موسم کی شدت کم ہونے کے ساتھ ہی دبئی کی مشہور آؤٹ ڈور تفریح گاہیں دوبارہ کھلنے جا رہی ہیں۔ ہر سال گرمیوں میں ان مقامات کو شدید گرمی اور حبس کے باعث بند کر دیا جاتا ہے تاکہ مرمت، بہتری اور اپ گریڈ کا کام مکمل کیا جا سکے۔ ستمبر کے دوسرے حصے میں درجہ حرارت میں کمی آنا شروع ہو جاتا ہے جس کے بعد یہ تفریحی مقامات شہریوں اور سیاحوں کے لیے دوبارہ کھول دیے جاتے ہیں۔
گلوبل ولیج – 15 اکتوبر سے
گلوبل ولیج نے اپنے 30ویں سیزن کے آغاز کی تاریخ کا اعلان کر دیا ہے، جو 15 اکتوبر 2025 سے 10 مئی 2026 تک جاری رہے گا۔ گزشتہ سیزن میں 10.5 ملین سے زائد افراد نے اس تفریح گاہ کا رخ کیا۔ اس بار دو دہائیاں مکمل ہونے جا رہی ہیں جب 2005 میں گلوبل ولیج ڈبئی لینڈ منتقل ہوا تھا۔
دبئی سفاری پارک – 14 اکتوبر سے
دبئی سفاری پارک 14 اکتوبر کو اپنے ساتویں سیزن کے ساتھ دوبارہ کھلے گا۔ 119 ہیکٹر رقبے پر پھیلا یہ پارک 3,000 سے زائد جانوروں کا مسکن ہے۔ اس میں افریقی ولیج، ایشیائی ولیج، عربی ریگستان سفاری اور ایکسپلورر ولیج جیسے سیکشن شامل ہیں۔
دبئی فاؤنٹین – 1 اکتوبر سے
دنیا کے سب سے بڑے میوزیکل فاؤنٹین میں شمار ہونے والا دبئی فاؤنٹین پانچ ماہ کی مرمت کے بعد 1 اکتوبر کو دوبارہ کھول دیا جائے گا۔ مرمت میں واٹر پروفنگ، نیا انسولیشن سسٹم اور نیلے ٹائلز شامل ہیں تاکہ شو کو مزید دلکش بنایا جا سکے۔
دبئی میرکل گارڈن – اکتوبر میں متوقع
دنیا کا سب سے بڑا قدرتی پھولوں کا باغ دبئی میرکل گارڈن 15 جون کو بند ہوا تھا اور حسبِ روایت یہ اکتوبر میں دوبارہ کھلنے کی توقع ہے۔ یہاں 150 ملین سے زائد پھول تخلیقی انداز میں سجائے جاتے ہیں۔
رائپ مارکیٹ – 11 اکتوبر سے
رائپ مارکیٹ 11 اکتوبر کو دوبارہ شروع ہوگا۔ یہ ویک اینڈ ایونٹ تازہ سبزیاں، پھل، ہنر مندوں کے ہاتھ کے بنے سامان، کھانے پینے کے ٹرکس، لائیو میوزک، پالتو جانوروں کا زو اور فیملی تفریح کی مختلف سرگرمیاں پیش کرتا ہے۔
حتہ ریزورٹس – سیزن 8
حتہ ریزورٹس کا نیا سیزن بھی شروع ہو رہا ہے، جہاں لگژری ٹینٹس، کیرواںز اور ڈومز میں قیام کے مواقع دستیاب ہیں۔ مہمانوں کے لیے خصوصی ڈسکاؤنٹس جیسے زپ لائننگ، تیر اندازی اور کائیکنگ شامل ہیں۔
یہ تمام مقامات دبئی کے سیاحتی اور تفریحی نقشے کو ایک بار پھر روشن کرنے جا رہے ہیں، اور مقامی و بین الاقوامی زائرین کے لیے بھرپور تجربات پیش کریں گے۔
