خلیج اردو
دبئی شاپنگ فیسٹیول (ڈی ایس ایف) کا 31 واں ایڈیشن 5 دسمبر 2025 سے شروع ہو کر 11 جنوری 2026 تک جاری رہے گا۔ فیسٹیول کے دوران روزانہ کی بنیاد پر میگا رفیل ڈراز میں ایک خوش نصیب خریدار کو نیا نسان کار اور 1 لاکھ درہم جیتنے کا موقع ملے گا، جبکہ فیسٹیول کے آخری دن 4 لاکھ درہم کا گرینڈ انعام دیا جائے گا۔
دبئی کے رہائشی اور سیاح 100 درہم کے عوض ٹکٹ خرید کر دو مواقع حاصل کر سکتے ہیں۔ یہ ٹکٹس تسیل مراکز، ای نوک اسٹیشنز، زوم اسٹورز اور آٹو پرو سروس آؤٹ لیٹس پر دستیاب ہیں۔
ہر ٹکٹ روزانہ کے انعامی ڈراز میں شامل ہوگا، جس میں جیتنے والے کو نسان کی مختلف ماڈلز — پاتھ فائنڈر، ایکس ٹیرہ، ایکس ٹریل، ککس یا میگنائٹ — کے ساتھ 1 لاکھ درہم تک کے انعامات جیتنے کا موقع ملے گا۔
اگر کوئی شرکاء روزانہ کے ڈراز میں کامیاب نہ ہو سکے تو اسے 11 جنوری 2026 کو ہونے والے خصوصی گرینڈ ڈرا میں شامل کیا جائے گا، جہاں 4 لاکھ درہم کا انعام ایک خوش نصیب کو دیا جائے گا۔
دبئی فیسٹیولز اینڈ ریٹیل اسٹیبلشمنٹ (DFRE) کے سی ای او احمد الخاجہ نے کہا کہ "ڈی ایس ایف میگا رفیل دبئی شاپنگ فیسٹیول کی نمایاں خصوصیت بن چکا ہے، اور ہمارے شراکت داروں کے تعاون سے یہ ایونٹ عالمی سطح پر ریٹیل انوویشن کی علامت بن گیا ہے۔”
