خلیج اردو آن لائن:
دبئی کی ایمریٹس ایئر لائن کی جانب سے اپنے صارفین کو آگاہ کیا گیا ہے کہ پاکستان سے متحدہ عرب امارات کے لیے پروازیں کم از کم 6 جولائی تک بند رہیں گی۔
ایک مسافر کی جانب سے پوچھے گئے سوال کے جواب میں ایمریٹس ایئر لائن ٹوئیٹر پر لکھا ” ہم نے 6 جولائی تک پاکستان سے پروازوں پر پابندی عائد کر دی ہے۔ تاہم، اس فیصلے پر نظر ثانی کی جا سکتی ہے۔ چونکہ اس وقت حالات بہت تیزی سے بدل رہے ہیں لہذا سفر کے حوالے سے ہماری تازہ ترین اپ ڈیٹ دیکھیں”۔
تاہم، ایمریٹس ایئر لائن کی ویب سائٹ پر صرف اتنا لکھا ہوا آ رہا ہے کہ پاکستان کے لیے پروازیں تاحکم ثانی معطل رہیں گی۔
We’ve restriction in place on our flights from Pakistan until 6th July which is subject to further review. Since the situations continues to remain dynamic, please check on our latest travel updates here, https://t.co/CaFaRNnO4J. Thanks.
— Emirates Support (@EmiratesSupport) June 16, 2021
یاد رہے کہ اسی ہفتے اتحاد ایئرویز کی جانب سے سے بھی اعلان کیا گیا تھا کہ پاکستان، بنگلہ دیش، سری لنکا اور نیپال سے آنے والے مسافر 7 جولائی تک یو اے ای میں داخل نہیں ہو پائیں گے۔
اتحاد ایئر ویز کی جانب سے مزید کہا گیا تھا کہ جن مسافروں نے گزشتہ 14 دنوں کے دوران درج بالا ممالک میں سے کسی کا سفر کیا ہے وہ مسافر بھی یو اے ای میں داخل نہیں ہو پائیں گے۔
Source: Khaleej Times
