خلیج اردو
راس الخیمہ پولیس نے بتایا ہے کہ نیشنل ڈے کی تعطیلات کے دوران پہاڑی علاقوں میں تین الگ الگ حادثات ہوئے جن میں پھنسے ہوئے افراد کو سرچ اینڈ ریسکیو ڈویژن اور ایئر ونگ یونٹ نے بروقت کارروائی کرتے ہوئے بحفاظت نکال لیا۔ پولیس کے مطابق چھٹیوں کے دوران بڑی تعداد میں شہری پہاڑی علاقوں کا رخ کرتے ہیں، جس کے باعث ریسکیو ٹیموں نے اپنی نگرانی اور مشن میں اضافہ کیا۔
حکام نے ہائیکنگ کے شوقین افراد کو ضروری حفاظتی ہدایات پر عمل کرنے کی تاکید کی ہے جن میں روانگی سے پہلے مقام کی اطلاع دینا، موبائل فون چارج رکھنا، مناسب لباس اور جوتے پہننا، اندھیرے اور خطرناک راستوں سے دور رہنا، اور سفر کے دوران پانی اور کھانے کی مناسب مقدار ساتھ رکھنا شامل ہے۔
پولیس کا کہنا ہے کہ خصوصی یونٹس ہر ممکن مدد فراہم کرتے رہیں گے، تاہم عوام کی جانب سے حفاظتی اصولوں پر عمل کرنا حادثات میں کمی اور شہریوں کے تحفظ کیلئے ناگزیر ہے۔
