ابوظہبی بارڈر پر جعلی کورونا ٹیسٹ دکھانے والوں کے خلاف کارروائی

(خلیج اردو ویب ڈیسک) متحدہ عرب امارات میں حکام نے ابوظہبی کے بارڈر پر سو افراد کو چیک پوسٹ سے گزرنے کے لیے کورونا ٹیسٹ کے نتائج تبدیل کرنے پر قانونی کارروائی کے لیے وفاقی حکام کے حوالے کیا ہے۔

سرکاری خبر رساں ادارے وام کے مطابق فیڈرل ایمرجنسی، کرائسس اینڈ ڈیزاسٹر پراسکیوشن کے قائم مقام ڈائریکٹ صالم الزابی نے کہا کہ کہ ملزمان، جن کا تعلق مختلف ممالک سے ہیں، کو پولیس نے گرفتار کیا ہے اورانہیں عدالتی کارروائی کے لیے بھیجا گیا ہے۔

الزابی نے کہا کہ کارروائی مختلف ریاستی اداروں کی جانب سے کوویڈ-19 پر قابو پانے اور اس حوالے سےقوائد و ضوابط پر تمام اماراتی شہریوں اور مقیم غیر ملکیوں کی جانب سے عمل درآمد کروانے کی کوششوں کا حصہ ہے۔

ابوظہبی نے حال ہی میں سفری قواعد و ضوابط کو اپ ڈیٹ کیا ہے، جس کے مطابق ابوظہبی میں مقیم افراد 48 گھنٹوں کے لیے ابوظہبی سے باہر جا سکتے ہیں۔ تاہم باہر جانے سے پہلے انہیں ابوظہبی میں ہی اپنا کورونا ٹیسٹ کروانا پڑے گا۔
بارڈر چیک پوسٹ پر موجود پولیس اہلکار ٹیسٹنگ سینٹرز سے مسیج یا الحسن ایپ کے ذریعے اس بات کو یقینی بناتے ہیں کہ باہر جانے والے افراد کا کورونا ٹیسٹ منفی ہے۔

الزابی نے کہا کہ ’ پبلک پراسکیوشن کا محکمہ تمام لوگوں سے گزارش کرتا ہے کہ وہ تمام حفاظتی اقدامات اور احتیاطی تدابیر بشمول متعلقہ حکام کے احکامات پر عمل درآمد کریں تاکہ وہ کسی بھی قانونی کارروائی سے بچ سکیں۔‘
ان کا مزید کہنا تھا کہ ان تمام افراد کے خلاف قانونی کاروائی کی جائے گی جو کوڈ19 پر قابو پانے کے لیے اقدامات اور احکامات کی پابندی نہیں کریں گے۔

Source : Khaleej Times