خلیج اردو
31 مئی 2020
دبئی : متحدہ عرب امارات نے اماراتیوں اور غیر ملکیوں کیلئے پروفیشنلز مواقع کا اعلان کیا ہے جو یو اے ای کے 50 سال پورے ہونے سے متعلق ہیں۔
2021 متحدہ عرب امارات کا پچاسواں سال ہے جس میں ملک کے قیام سے ابتک 50 سال پورے ہوں گے۔ یہ مختلف شعبوں میں 11 مہینوں کیلئے مواقع ہیں جن کا اعلان کیا گیا ہے۔
متحدہ عرب امارات کی گولڈن جوبلی کمیٹی جو پچاسویں سال کی تمام تقریبات کی نگرانی کررہی ہے ، کا کہنا ہے کہ جون 2021 میں اس فیلوشپ پروگرام کا آغاز ہوگا جو اپریل 2022 تک جاری رہے گا۔
اس پروگرام کا مقصد نوجوانوں کو دلچسپ مواقع مہیا کرنا ہے۔ اس میں پراجکٹ منجمنٹ ، ڈیزائن اور کمیونکیشن سمیت مختلف ڈسپلن شامل ہیں۔
کامیاب امیدوار "کراس فنکشنل اندرونی ٹیموں اور بیرونی جماعتوں” کے ساتھ مل کر کام کریں گے جو پانچ اہم علاقوں میں سے ایک میں اپنی صلاحیتوں اور مہارت کو فروغ دیں گے۔
اس پروگرام کیلئے درخواست دینے کا طریقہ یہ ہے کہ وہ 7 جون 2021 سے پہلے https://uaeyearof.ae/fellowship پر اپلائی کر سکتے ہیں۔ اس حوالے سے سلیکشن کمیٹی تمام درخواستوں کا جائزہ لینے کے بعد ان درخواستوں پر عمل کرے گی۔
سال کے شروع میں متحدہ عرب امارات کے صدر شیخ خلیفہ بن زاید النہیان نے ملک کی تشکیل کے 50 سال مکمل ہونے پر 2021 کو "50 ویں سال” کے طور پر منانے کا اعلان کیا تھا۔
یہ تقریبات سرکاری طور پر 6 اپریل 2021 ء سے 31 مارچ 2022 تک جاری رہیں گی اور یہ ایکسپو 2020 دبئی میں متحدہ عرب امارات کی میزبانی کے مطابق ہوں گی۔
Source : Khaleej Times
