خلیج اردو
دبئی: یو اے ای کی ممتاز فوڈ ریٹیلر کمپنی اسپرنیز نے اعلان کیا ہے کہ وہ کویتی مارکیٹ میں قدم رکھنے جا رہی ہے اور اس حوالے سے خطے میں اپنی بڑی توسیعی حکمت عملی کا آغاز کرے گی۔ کمپنی نے بتایا کہ یہ اقدام مشرق وسطیٰ، شمالی افریقہ، ترکی اور یورپ میں بڑے برانڈز کے آپریٹر، ال شایہ گروپ کے ساتھ ایک مشترکہ منصوبے کے ذریعے ممکن بنایا جا رہا ہے۔
کمپنی کے باضابطہ بیان کے مطابق اس نئی شراکت داری کے تحت اسپرنیز 51 فیصد کنٹرولنگ اکثریتی حصص اپنے پاس رکھے گی جس کے ذریعے اسے نئے قائم ہونے والے تمام اسٹورز کی آپریشنل قیادت اور انتظامی کنٹرول حاصل ہوگا۔
ابتدائی منصوبے کے تحت کویت بھر میں 10 نئے اسٹورز کھولے جائیں گے، جن میں سے پہلا اسٹور 2026 میں صارفین کے لیے کھولا جائے گا۔ یہ توسیع اسپرنیز کے لیے جی سی سی کے چوتھے ملک میں کامیاب داخلے کی حیثیت رکھتی ہے۔
