خلیج اردو
دبئی: دبئی روڈز اینڈ ٹرانسپورٹ اتھارٹی (آر ٹی اے) نے اعلان کیا ہے کہ وہ 90 منفرد 2، 3، 4 اور 5 ہندسوں پر مشتمل گاڑیوں کے پرکشش نمبر پلیٹس نیلام کرے گی۔ یہ نمبر پلیٹس کوڈز AA، BB، K، L، M، N، P، Q، T، U، V، W، X، Y اور Z کے تحت ہوں گی۔ نمایاں نمبروں میں BB 88 اور BB 777 شامل ہیں جو اس نیلامی کے بڑے پرکشش حصے ہیں۔
119ویں اوپن آکشن بروز ہفتہ، 27 ستمبر کو گرینڈ حیات ہوٹل دبئی میں شام 4 بج کر 30 منٹ پر ہوگا۔
دلچسپی رکھنے والے افراد آر ٹی اے کی ویب سائٹ ([www.rta.ae](http://www.rta.ae)) یا کسٹمر ہیپینیس سینٹرز، ام رمول، دیرا اور البرشاء کے ذریعے رجسٹریشن کر سکتے ہیں۔ اس کے علاوہ نیلامی کے دن دوپہر 2 بجے کے بعد ہال میں بھی رجسٹریشن کی سہولت دستیاب ہوگی۔
آر ٹی اے کے مطابق رجسٹریشن کا عمل پیر، 22 ستمبر سے شروع ہوگا۔ نشستیں محدود ہوں گی اور ترجیح نیلامی میں حصہ لینے والوں کو دی جائے گی، اس لیے قبل از وقت رجسٹریشن کی سفارش کی گئی ہے۔
شرکت کے اصولوں کے تحت نیلامی میں پلیٹ نمبرز کی فروخت پر 5 فیصد ویلیو ایڈڈ ٹیکس (VAT) لاگو ہوگا۔ بولی لگانے والے افراد کے پاس دبئی کا ٹریفک فائل ہونا لازمی ہے اور انہیں 25,000 درہم کا سیکیورٹی ڈپازٹ چیک آر ٹی اے کے نام جمع کرانا ہوگا، جبکہ 120 درہم ناقابلِ واپسی رجسٹریشن فیس بھی ادا کرنی ہوگی۔ یہ ادائیگی کسٹمر ہیپینیس سینٹرز، کریڈٹ کارڈ یا آر ٹی اے ویب سائٹ کے ذریعے کی جا سکتی ہے۔
