تلنگانہ حکومت نے پیڈاپلی ایئرپورٹ کے قابلِ عمل مطالعے کے لیے فنڈز منظور کر لیے

خلیج اردو
حیدرآباد: تلنگانہ حکومت نے پیڈاپلی ضلع کے انترگاؤں میں مجوزہ گرین فیلڈ ایئرپورٹ کے لیے پری فیزیبلٹی اسٹڈی فیس کی مد میں 40.53 لاکھ روپے (4.53 ملین روپے) سول ایوی ایشن اتھارٹی آف انڈیا (AAI) کو جاری کرنے کی منظوری دے دی ہے۔

محکمہ ٹرانسپورٹ، روڈز اینڈ بلڈنگز (ایئرپورٹس) نے اس ضمن میں ایک سرکاری حکم نامہ (GO) جاری کرتے ہوئے رقم کی انتظامی منظوری دی۔

حکم نامے کے مطابق ریاستی حکومت نے صوبے میں چھ علاقائی ہوائی اڈوں کی تجویز پیش کی ہے اور اے اے آئی کو ان کے لیے ٹیکنو اکنامک فیزیبلٹی رپورٹس (TEFRs) تیار کرنے کے لیے مشاورتی خدمات فراہم کرنے کا ذمہ سونپا ہے۔

تاہم اے اے آئی نے پیڈاپلی کے باسنتھ نگر میں تجویز کردہ مقام کو غیر موزوں قرار دیا، جس کے بعد ڈسٹرکٹ کلیکٹر نے انترگاؤں منڈل میں 591.24 ایکڑ اراضی کی نشاندہی کی اور تمام مطلوبہ دستاویزات فراہم کر دی ہیں۔