خلیج اردو
واشنگٹن: امریکی صدر ڈونلڈ ٹرمپ نے ایک بیان میں دعویٰ کیا ہے کہ پاکستان اور بھارت نے مکمل اور فوری جنگ بندی پر اتفاق کر لیا ہے۔ ٹرمپ کے مطابق یہ معاہدہ امریکہ کی ثالثی میں ہونے والی طویل مذاکراتی رات کے بعد طے پایا۔
صدر نے سماجی رابطے کی ویب سائٹ پر ایک پیغام میں کہا کہ دونوں ممالک نے جنگ بندی کے فیصلے میں "عام فہم اور بہترین ذہانت” کا مظاہرہ کیا۔ انہوں نے اس اقدام پر دونوں ملکوں کو مبارکباد دی اور کہا کہ یہ فیصلہ خطے میں امن و استحکام کے لیے ایک بڑی کامیابی ہے۔
— Donald J. Trump (@realDonaldTrump) May 10, 2025
تاہم اس دعوے کی آزاد ذرائع سے تاحال تصدیق نہیں ہو سکی، اور نہ ہی پاکستان یا بھارت کی جانب سے اس اعلان پر کوئی باضابطہ ردعمل سامنے آیا ہے۔
اگر یہ پیش رفت حقیقت پر مبنی ہے تو یہ جنوبی ایشیا میں کشیدگی کے خاتمے کی جانب ایک اہم قدم تصور کیا جا سکتا ہے۔
