برطانوی وزیر اعظم کو جرمانہ کر دیا گیا

خلیج اردو
لندن: برطانوی وزیراعظم رشی سونک کو کو کار میں دوران سفر سیٹ بیلٹ نہ باندھنے پر جرمانہ کردیا گیا۔ پولیس نے نام ظاہر کیے بغیر بتایا ہے کہ 42 سالہ لندن کے رہائشی کو ٹریفک رولز کی خلاف ورزی پر جرمانہ کیا گیا ہے۔

برطانوی میڈیا نے اپنے بیان میں کہا ہے کہ لندن کے رہائشی 42 سالہ شخص کو دوران سفر کار میں سیٹ بیلٹ نہ باندھنے پر مقررہ جرمانےکی مشروط پیش کش کی گئی ہے۔ مسافر کو 100 برطانوی پاؤنڈ جرمانہ کیا گیا ہے، البتہ مقدمہ عدالت میں جانے کی صورت میں جرمانے کی رقم میں 500 پاؤنڈ تک اضافہ ہو سکتا ہے۔

برطانوی وزیر اعظم رشی سونک کو گزشتہ دنوں سوشل میڈیا پر ایک ویڈیو میں کار میں سفر کے دوران گفتگو میں بغیر سیٹ بیلٹ پہنے سفر کرتے ہوئے دیکھا گیا تھا۔

غلطی کا احساس ہونے پر برطانوی وزیر اعظم کے ترجمان کی جانب سے بیان جاری کیا گیا تھا کہ رشی سونک نے سوشل میڈیا کیلئے ویڈیو بنانے کیلئے کچھ وقت کیلئے سیٹ بیلٹ اتار دیا تھا ۔حساس ہونے پر انہوں نے اپنی غلطی مانتے ہوئے معذرت کی ہے۔ برطانوی وزیر اعظم کا ماننا ہے کہ ہر شہری کو سفر کے دوران سیلٹ بیلٹ ضرور پہننا چاہیے۔