انتباہ: اس رپورٹ کے کچھ حصے آپ کیلئے تکلیف دہ ہو سکتے ہیں: قصور میں سبق یاد نہ کرنے پر قاری نے طالبعلم کو گرم استری لگا کر زخمی کر دیا۔

خلیج اردو
قصور، 18 اپریل 2025
پاکستان کے صوبہ پنجاب میں قصور کے نواحی علاقے بنگلہ کمبوواں میں ایک افسوسناک واقعہ پیش آیا، جہاں ایک قاری نے بچے سے سبق یاد نہ کرنے پر اسے استری سے جلا دیا۔ زخمی بچے کی عمر دس سال ہے اور اس کا جسم بری طرح جھلس گیا ہے۔ پولیس کے مطابق، بچے کو فوری طور پر اسپتال منتقل کر دیا گیا ہے اور واقعے کی تحقیقات شروع کر دی گئی ہیں۔

پولیس حکام کا کہنا ہے کہ اس وحشیانہ کارروائی کی تحقیقات کی جا رہی ہیں اور ملزم کے خلاف سخت قانونی کارروائی کی جائے گی۔ زخمی بچے کی حالت ابھی تک تشویش ناک ہے اور اسے طبی امداد فراہم کی جا رہی ہے۔