خلیج اردو
لندن: جمائما گولڈ سمتھ نے پاکستان کے وزیر داخلہ رانا ثنا اللہ کے حالیہ بیان پر سخت ردعمل دیتے ہوئے کہا ہے کہ بانی تحریک انصاف گزشتہ دو سال سے قید میں ہیں اور ان کے بچوں کو نہ ملاقات کی اجازت ہے اور نہ ہی فون پر بات کرنے کی۔
جمائما نے سوشل میڈیا پر اپنے بیان میں الزام عائد کیا کہ اب حکومت دھمکیاں دے رہی ہے کہ اگر بچے اپنے والد سے ملاقات کے لیے آئے تو انہیں گرفتار کر لیا جائے گا۔ ان کے مطابق یہ طرز عمل کسی سیاسی اختلاف کا مظہر نہیں بلکہ ذاتی انتقام پر مبنی ہے۔
My children are not allowed to speak on the phone to their father @ImranKhanPTI. He has been in solitary confinement in prison for nearly 2 years.
Pakistan’s government has now said if they go there to try to see him, they too will be arrested and put behind bars.
This doesn’t… https://t.co/ccM7QFPmlV pic.twitter.com/z2v6PKgHto— Jemima Goldsmith (@Jemima_Khan) July 10, 2025
انہوں نے کہا کہ بچوں کو ان کے والد سے محروم رکھنا انسانی اور اخلاقی اقدار کے منافی ہے اور دنیا اس طرز سلوک کو بغور دیکھ رہی ہے۔
جمائما کا بیان ایسے وقت میں سامنے آیا ہے جب حکومت اور تحریک انصاف کے درمیان کشیدگی عروج پر ہے، اور بانی پی ٹی آئی کی قید اور ان سے متعلق معاملات عالمی سطح پر بھی توجہ حاصل کر رہے ہیں۔
