دبئی کی عدالت نے ایک آدمی کو دفتری عملے کو دھمکا کر زبردستی ایک فرم میں گھسنے کے الزام سے بری کردیا۔

خلیج اردو: دبئی کی عدالت نے ایک قانونی مشیر کو نجی کمپنی کے دفتری معاملات میں مداخلت کرنے اور چار افراد کو اپنے مطالبات نہ ماننے کی صورت میں جیل بھیجنے کی دھمکی دینے کے الزامات سے آج بری کردیا۔

سرکاری استغاثہ کے ریکارڈ سے پتہ چلتا ہے کہ 39 سالہ ایک برطانوی مشیر نے نجی فرم کے احاطے میں داخل ہونے کے بعد چار افراد کو دھمکی دی جو دھات معائنہ کی لیبارٹری میں کام کرتے ہیں۔ اس کا مطالبہ تھا کہ اس کے بینک اکاؤنٹ میں فنڈز جمع کروائے جائیں۔

دھمکیوں اور بلیک میلنگ کے علاوہ ، اس کنسلٹنٹ پر کمپنی کے دفتری امور میں مداخلت کا الزام بھی عائد کیا گیا تھا۔ وہ مینیجر کے دفتر کے اندر داخل ہوا اور بغیر اجازت کے وہاں بیٹھ گیا۔

اس ملزم کیخلاف نائف پولیس اسٹیشن میں شکایت درج کروائی گئی۔

مالک کی 32 سالہ ایشیائی اہلیہ نے بتایا کہ مدعا علیہ 7 مارچ کی شام 5 بجے کے لگ بھگ ال راس کے علاقے میں اس کے شوہر کی کمپنی میں آیا اور کمپنی سٹاف کو دھمکانے لگ گیا، جس پر ایک سپروائزر نے مجھے فون کرکے بتایا کہ مشیر نے دھمکی دی ہے کہ اگر اس کے بینک اکاؤنٹ میں فنڈز جمع نہیں کیے گئے تو انہیں جیل بھیج دیا جائے گا۔

اس نے پراسیکیوشن تفتیش کار کے سامنے بیان کیا کہ اس نے کیسے سپروائزر سے کہا کہ وہ اپنا موبائل فون پاس کرے تاکہ وہ مدعا علیہ سے بات کر سکے۔ "پھر مدعا علیہ نے مجھے دھمکی دی کہ اگر کمپنی کے فنڈز اس کے اکاؤنٹ میں نہیں ڈالے گئے تو وہ ہمیں جیل بھیج دے گا۔”

36 سالہ ایشیائی عملے کے رکن نے مالک کی بیوی کی گواہی کی تصدیق کرتے ہوئے کہا کہ مدعا علیہ نے اپنی مطلوبہ رقم کی وضاحت نہیں کی اور نہ ہی اس نے یہ بتایا کہ یہ رقم کس کی ہے۔”

اسی ملازم نے تفتیش کار کو بتایا کہ کنسلٹنٹ مینیجر کے دفتر میں چلا گیا اور اجازت لئے بغیر وہیں بیٹھ گیا۔

فیصلے کے خلاف اپیل سرکاری وکیل کے ذریعہ کی جا سکتی ہے۔