خلیج اردو
اسلام آباد: حکومت کی جانب سے بھارت سے 50 ہزار ٹن چینی درآمد کرنے کا انکشاف ہوا ہے۔ وزیر تجارت جام کمال خان نے قومی اسمبلی میں موجودہ حکومت کے پہلے سال کے دوران درآمد کی گئی چینی کی تفصیلات پیش کر دیں۔
تفصیلات کے مطابق وزیر تجارت نے بتایا کہ مارچ 2024 سے جنوری 2025 تک 3 ہزار 140 میٹرک ٹن چینی درآمد کی گئی، جس پر 3 ملین ڈالرز سے زائد رقم خرچ ہوئی۔
وزیر تجارت کے مطابق چینی ملائشیا، جرمنی، تھائی لینڈ، متحدہ عرب امارات، امریکہ، برطانیہ، ڈنمارک، چین، فرانس، سوئٹزرلینڈ اور جنوبی کوریا سے درآمد کی گئی۔
انہوں نے مزید انکشاف کیا کہ پاکستان نے بھارت سے بھی 50 ہزار ٹن چینی درآمد کی ہے۔
