پاکستان میں ہیومن رائٹس ایکٹیویسٹ ایمان زینب مزاری کو ضمانت پر رہائی مل گئی،سوشل میڈیا کا ایک سیشکن اس رہائی سے خوش نہیں

خلیج اردو
اسلام آباد: پاکستان میں انسانی حقوق کیلئے کام کرنے والی خاتون وکیل ایمان زینب مزاری کو اسلام آباد کی انسداد دہشت گردی عدالت نے دہشتگردوں کی مبینہ معاونت کے مقدمے میں ضمانت پر رہائی دیدی ہے۔

عدالت نے دس ہزار روپے مچلکوں کے عوض انہیں رہا کرنے کا حکم دیا جس کے بھی تھانہ ویمن پولیس اسٹیشن اسلام آباد سے رہا بھی کر دیا گیا۔

جج ابو الحسنات محمد ذوالقرنین نے درخواست ضمانت پر سماعت کی۔ ایڈوکیٹ ایمان مزاری کی والدہ شیری مزاری اور وکلا عدالت کے سامنے پیش ہوئے، دلائل مکمل ہونے عدالت نے بیس ہزار روپے مچلکوں کے عوض ضمانت منظور کر لی۔ بعد ازاں جج ابو الحسنات محمد ذوالقرنین نے مچلکوں کو کم کرکے دس ہزار روپے کر دئیے۔

عدالتی حکم پر ایڈووکیٹ ایمان مزاری کو اسلام آباد کے تھانہ ویمن پولیس اسٹیشن سے رہا کیا گیا، ایمان مزاری وکلا کے ہمراہ گھر روانہ ہو گئیں۔

دوسری طرف ایمان مزاری کو اسلام آباد ہائیکورٹ نے بھی حفاظتی ضمانت دیتے ہوئے انہیں کسی بھی مقدمے میں گرفتار نہ کرنے کی ہدایت کی۔

مزاری کی رہائی پر سوشل میڈیا کا ایک حصہ خوش نہیں اور انہیں لگتا ہے کہ جس مقدمے میں انہیں رہائی ملی، ایسے مقدمے میں دیگر سیاسی رہنماوں اور کارکنوں کو ریلیف نہیں مل رہا۔ وقاص نامی سوشل میڈیا یوزر نے لکھا ہے کہ ایلیٹ کلاس ایمان مزاری رہا ہو گئی،جبکہ صنم جاوید ، طیبہ راجہ 4 ماہ پابند سلاسل کے بعد پھر جسمانی ریمانڈ دے دیا گیا۔

https://twitter.com/waqas_amjaad/status/1697896049111646414

سنیئر صحافی اور سیاست دان حفیظ اللہ نیازی نے اس رہائی کے بعد اپنے اسیر بیٹے حسان نیازی کے ساتھ روا رکھے گئے معیار پر شکواہ کیا ہے۔

https://twitter.com/hafeezullah_k/status/1697916457852846458

جہاں مختلف حلقوں نے تنقید کی ہے وہاں پشتون تحفظ موومنٹ کے سربراہ منظور احمد نے اس رہائی کو خوش آئیند قرار دیا ہے۔

ایمان زینب مزاری کی رہاٸی خوش آٸیند ہے۔
اسلام اباد یا دوسرے بڑے شہروں میں رہنے والوں میں سے پریفریز کے غم و درد کو محسوس کرنے والے گنےچنے لوگ ہے جن میں ایمان زینب سر فہرست ہے۔
ایمان کی جرات اور شعور کو سلام۔

— Manzoor Pashteen (@ManzoorPashteen) September 2, 2023