خلیج اردو
واشنگٹن: اسرائیل ایران کی جوہری تنصیبات پر ممکنہ حملے کی تیاری کر رہا ہے، لیکن امریکی حکام کی انٹیلی جنس اطلاعات میں یہ واضح نہیں کہ اسرائیلی قیادت نے حملے کا حتمی فیصلہ کیا ہے یا نہیں۔ اسرائیل اس حوالے سے امریکا اور ایران کے درمیان جوہری پروگرام پر جاری مذاکرات کے نتائج کا انتظار کر رہا ہے۔
امریکی نیشنل سکیورٹی کونسل نے اس معاملے پر فوری تبصرے سے گریز کیا ہے۔ اسی طرح امریکا میں موجود اسرائیلی سفارتخانہ اور اسرائیلی وزیراعظم کے دفتر نے بھی اس بارے میں فوری ردعمل دینے سے انکار کیا ہے۔
یہ صورتحال خطے میں کشیدگی میں مزید اضافہ کر سکتی ہے اور عالمی سطح پر تشویش کی بنیاد بنی ہوئی ہے۔
