ایم 6 اور ایم 10 ایک ساتھ شروع کر رہے ہیں، وفاقی وزیر مواصلات

خلیج اردو
کراچی — وفاقی وزیر مواصلات علیم خان نے اعلان کیا ہے کہ ایم 6 اور ایم 10 موٹر ویز کے منصوبے ایک ساتھ شروع کیے جا رہے ہیں، جو کراچی پورٹ سے منسلک کیے جائیں گے۔ ان کا کہنا تھا کہ ان منصوبوں کے تحت کراچی پورٹ کو ملک کے دیگر حصوں سے مؤثر انداز میں جوڑنے کا ہدف ہے، جس سے تجارتی سرگرمیوں کو فروغ ملے گا۔

علیم خان کے مطابق لیاری ایکسپریس وے پر موجود انٹرچینجز کو بھی جدید خطوط پر بہتر کیا جائے گا تاکہ ٹریفک کے بہاؤ میں بہتری آئے۔ انہوں نے کہا کہ اگلے پندرہ روز میں ایم 6 اور ایم 10 منصوبوں کی فزیبلٹی رپورٹ وزیر اعظم کو پیش کی جائے گی۔

یہ پیش رفت کراچی کی شہری ترقی اور قومی مواصلاتی نظام میں ایک اہم سنگ میل تصور کی جا رہی ہے، جو بندرگاہی شہر کو ملک کے مرکزی علاقوں سے مؤثر طریقے سے جوڑنے میں مدد دے گی۔