خلیج اردو
29 ستمبر 2020
اسلام آباد: پاکستان کی وفاقی کابینہ نے افغانستان کے حوالے سے مجوزہ پالیسی کی اصولی منظوری دیدی۔ اس پالیسی کے مطابق افغان شہریوں کو پاکستان کیلئے ویزوں میں آسانیاں پیدا کی گئی ہیں۔
Cabinet has approved new Visa Policy for Afghan citizens. Acquiring visas will be easy for Afghan visitors with multiple entry visit visas and long term business, investmemt and student visas. A new category of health visa is also introduced which will be issued on border.
— Mohammad Sadiq (@AmbassadorSadiq) September 29, 2020
وزیر اعظم کے نمائندہ خصوصی برائے امور افغان محمد صادق نے فیصلے کو خوش آئیند قرار دیتے ہوئے کہا ہے کہ افغانستان کیلئے ویزہ پالیسی سے افغان مریضوں کو بارڈر پر ہی ویزہ جاری کیا جائے گا۔ صادق خان نے کہا ہے کہ پالیسی کے مطابق افغان سرمایہ کاروں ، طلباء ، سیاحوں اور دیگر شعبوں کے افراد کو ان کی ضرورت کے مطابق مختصر اور زیادہ دورانیہ کیلئے ویزہ فراہم کیے جائیں گے۔ صحت کے حوالے سے نئی کیٹگری متعارف کرائی گئی ہے۔
دوسری طرف وزیر اعظم عمران خان کی زیر صدارت ہونے والے وفاقی کابینہ کے اجلاس میں برطانوی ایئرلائن ورجن اٹلانٹک کو پاکستان اور برطانیہ کے مابین پروازوں کے اجراءکی منظوری دی گئی۔ منظوری پاکستان اور برطانیہ کے درمیان ایئرسروس معاہدے کے تحت دی گئی ہے۔ دونوں ممالک کے درمیان اس معاہدے کے تحت برطانیہ سے برٹس ایئر ویز جبکہ پاکستان سے پی آئی اے ، ایئربلیو اور شاہیں ایئر کو دونوں ممالک کے درمیان پروازوں کی اجازت ملی ہوئی ہے۔
