پوری قوم اپنی افواج کی پشت پر کھڑی ہے، عمران خان

خلیج اردو
16 اکتوبر 2020
عاطف خان خٹک

اسلام آباد: وزیر اعظم عمران خان نے کہا ہے کہ پاکستانی قوم اپنی بہادر فوج کے ساتھ شانہ بشانہ کھڑی ہے جو اپنی جانوں پر کھیل کر ملکی حفاظت کو یقینی بناتے ہیں۔

اپنے ٹویٹر پیغام میں مسٹر خان نے کہا ہے کہ میری دعائیں اور تمام تر ہمدردیاں کل دہشتگردی کی بزدلانہ کارروائیوں میں جامِ شہادت نوش کرنے والے 6 فوجی جوانوں سمیت 20 سیکیورٹی اہلکاروں کیساتھ ہیں۔ پوری قوم اپنی افواج کی پشت پر کھڑی ہے جو پاکستان کے دفاع اور اسکی سلامتی کیلئے اپنی جانوں کے نذرانے پیش کررہی ہیں۔

My deepest condolences & prayers for the 20 security personnel, including 6 army men, martyred in 2 cowardly acts of terrorism yesterday. The entire nation stands behind all our security forces as they continue to lay down their lives for the safety & security of Pakistan.

متعلقہ مضامین / خبریں

• 
  پاکستان، بھارت اور چین کے مختلف علاقوں کی ‘آزادی’ کے نعرے بے معنی، غیر حقیقی اور اسٹریٹجک بنیادوں سے محروم ہیں: فواد چوہدری کا ایکس بیان

  1 ہفتہ پہلے

— Imran Khan (@ImranKhanPTI) October 16, 2020

گزشتہ روز پاک فوج کے ترجمان ادارے نے اپنے ایک پریس ریلیز میں بتایا تھا کہ دہشتگردوں نے مکران کوسٹل ہائی وے پر او جی ڈی سی ایل کے قافلے پر حملہ کرتے ہوئے فرنٹیئر کور کے 8جوانوں اور او جی ڈی سی ایل کے 7سیکیورٹی اہلکاروں کو شہید کردیا ہے۔

ایک اور واقعے میں شاملی وزیرستان کے علاقے رزمک میں ایک کیپٹن سمیت 6 فوج جوان شہید ہوئے تھے۔