ملک بھر میں برائلر مرغیوں میں وینو نامی وائرس کا تیزی سے پھیلاو

خلیج اردو: راولپنڈی ، کوئٹہ ، ملتان، خیبرپختونخواہ سمیت ملک بھر میں برائلر مرغیوں میں وینو نامی وائرس تیزی سے پھیلنے لگا.

ملک بھر میں ،متاثرہ گوشت کھانے سے جسم پر دانے اور پیٹ خرابی کی شکایات درج ہونے لگے ہیں۔ محکمہ ہیلتھ کیمطابق وینو نامی وائرس چوزوں کی فیڈ سے پیدا ہورہا ہے

محکمہ ہیلتھ نے خبر دار کیا یہ وائرس جان لیوا بھی ہو سکتا ہے مزید اس پر ریسرچ جاری ہے۔ اس وینو وائرس سے لاہور کراچی کوئٹہ ملتان فیصل آباد پشاور سمیت دیگر شہروں میں بھی اس وائرس کی تصدیق ہو چکی ہے.

محکمہ ہیلتھ کی طرف سے تمام پاکستانیوں کو خبردار کر دیا گیا ہے کہ برائلر مرغی لیتے وقت گوشت کی صفائی کا خاص خیال رکھیں گوشت پر کسی قسم کے نشانات دیکھائی دیں تو ہرگز نہ لیں، ہوسکے تو برائلر مرغی سے دور رہیں ضرورت ہو تو برائلر مرغی لیتے وقت خاص احتیاط کریں کیونکہ الرجی مریضوں کیلئے مرغیوں کا گوشت جان لیوا بھی ثابت ہوسکتا ہے ۔لہذا اپنی احتیاط خود کریں۔

کسی بھی جگہ کسی مرغی یا مرغی گوشت پر کوئی بھی شک ہو تو ضلعی انتظامیہ کو خبردار ضرور کریں۔