خلیج اردو
اسلام آباد: وفاقی وزیر دفاع اور کابینہ کے سینئر رکن خواجہ محمد آصف نے اسپیکر قومی اسمبلی، ڈپٹی اسپیکر، چیئرمین سینیٹ اور ڈپٹی چیئرمین سینیٹ کی تنخواہوں اور مالی مراعات میں حالیہ اضافے کو ’مالی فحاشی‘ قرار دے دیا ہے۔ ان کا کہنا ہے کہ اس قسم کا غیرمعمولی اضافہ عوامی جذبات کے منافی ہے۔
خواجہ آصف نے حکومت کے اس اقدام کی کھل کر مخالفت کرتے ہوئے کہا کہ عام آدمی مہنگائی اور معاشی دباؤ کا شکار ہے، ایسے میں اعلیٰ عہدوں پر بیٹھے افراد کے لیے تنخواہوں میں بے تحاشہ اضافہ عوام کے ساتھ ناانصافی ہے۔ ان کے بقول، ’’ہماری تمام عزت و آبرو عام آدمی کی مرہون منت ہے، ان کی زندگی کو ذہن میں رکھنا ضروری ہے۔‘‘
سپیکر ،ڈپٹی سپیکر چیئرمین سینیٹ، ڈپٹی چیئرمین سینیٹ کی تنخواہ میں اور مالی مراعات میں بے تحاشہ اضافہ مالی فحاشی کے زمرے میں آتا ھے۔ عام آدمی کی زندگی کو ذہن میں رکھیں ھماری تمام عزت آبرو اسکی مرھون منت ھے۔۔
— Khawaja M. Asif (@KhawajaMAsif) June 11, 2025
وزیر دفاع نے زور دیا کہ ریاستی اداروں کو اپنے اخراجات اور مراعات میں توازن پیدا کرنا ہوگا تاکہ عوام کا اعتماد بحال رہے اور مالی نظم و ضبط قائم رکھا جا سکے۔
