یو اے ای: فلائنگ ٹیکسی کمپنی آرچر نے ملک میں آپریشنز بڑھانے کا اعلان کر دیا

خلیج اردو
امریکی فلائنگ ٹیکسی کمپنی Archer Aviation، جو رواں سال کے آخر تک یو اے ای میں اپنی سروس شروع کرے گی، نے اعلان کیا ہے کہ وہ ملک میں اپنے آپریشنز کو وسعت دے گی۔ اس میں پائلٹ ٹریننگ، مینٹیننس، ریپئر اینڈ آپریشنز (MRO) سیٹ اپ اور فلائٹ ٹیسٹنگ شامل ہیں، تاکہ سرٹیفیکیشن اور کمرشلائزیشن کے لیے مزید ڈیٹا اکٹھا کیا جا سکے۔

جولائی میں آرچر نے اپنا Midnight ایئرکرافٹ ابوظہبی کے البتین ایگزیکٹو ایئرپورٹ پر مقامی پارٹنرز اور جنرل سول ایوی ایشن اتھارٹی (GCAA) کی نگرانی میں اڑایا۔
چیف ٹیکنالوجی آفیسر تھامس پال منیز کے مطابق، ابتدائی ٹیسٹ یو اے ای کے مخصوص حالات جیسے زیادہ درجہ حرارت، نمی اور دھول میں کارکردگی پر مرکوز تھے تاکہ تجارتی آپریشنز کے لیے تیاری کی جا سکے۔

سی ای او ایڈم گولڈ اسٹیئن نے کہا کہ کمپنی نے 20 سے 30 میل کے فاصلے والی پروازوں پر توجہ دی ہے، جو مستقبل کی سروسز کے لیے عام ہیں۔ انہوں نے بتایا کہ ابوظہبی کی شدید گرمی میں ٹیسٹ کرنا محفوظ اور قابلِ اعتماد آپریشنز کی منظوری کے لیے ضروری ہے۔

لانچ ایگریمنٹ کے تحت، آرچر نے جون میں پہلا Midnight ایئرکرافٹ یو اے ای پہنچایا اور جلد ابوظہبی میں ایک چھوٹا بیڑا تیار کرنے کا منصوبہ ہے۔ پائلٹوں کی تربیت الاتحاد ایئر ویز کے ساتھ کی جائے گی، جبکہ بنیادی ڈھانچے کے لیے موجودہ ہیلی پیڈز (صرف ابوظہبی میں 70 سے زائد) استعمال ہوں گے۔

کمپنی کی قائم مقام سی ایف او پریا گپتا کے مطابق، لانچ ایڈیشن رواں سال کے آخر میں آمدنی پیدا کرنا شروع کر دے گا۔ اس وقت آرچر چھ Midnight ایئرکرافٹ تیار کر رہی ہے، جن میں سے تین فائنل اسمبلی میں ہیں۔ تیاریاں کیلیفورنیا اور جارجیا کی فیکٹریز میں جاری ہیں، اور ایف اے اے کی طرف سے معائنہ اور ریویو بھی ہو رہا ہے۔