اسلام آباد : پاکستان میں ایوان بالا کیلئے چیئرمین کے انتخاب میں کامیابی حاصل کرنے والے صادق سنجرانی کو وزیر اعظم عمران خان نے مبارک باد دی ہے۔
صادق سنجرانی چیئرمین سینٹ کیلئے حکومتی امیدوار تھے جس کی نامزدگی وزیر اعظم عمران خان نے کی تھی۔ انتخابی عمل میں صادق سنجرانی نے 48 ووٹ حاصل کیے ہیں جبکہ اپوزیشن کے امیدوار سابق وزیر اعظم یوسف رضا گیلانی کو 47 ووٹ ملے ہیں جبکہ 7 ووٹ ضائع ہو گئے ہیں۔
وزیر اعظم عمران خان نے اپنے ٹویٹ میںچیئرمین اور ڈپٹی چیئرمین کا انتخاب جیتنے والے صادق سنجرانی اور مرزا محمد آفریدی کو مبارک باد دی ہے۔ انہوں نے کہا ہے کہ وفا کے ان دو اہم عہدوں پر پسماندہ صوبے بلوچستان اور سابق فاٹا سے اراکین کا انتخاب ان کی محرومیون کے ازالے کیلئے کوشش ہے۔
وزیر اعظم نے کہا ہے کہ ان دونوں کے انتخاب سے متعلقہ علاقوں کو مرکزی دھارے میں لایا گیا ہے۔ جو ماضی میں نظرانداز کیے گئے ، انہیں طاقت ور بنایا گیا ہے۔
Congratulations to Sadiq Sanjrani & Mirza Mohammad Afridi on winning Senate Chairman & Dy Chairman elections. I am happy Balochistan & former FATA got these two slots in line with my policy of mainstreaming those parts of Pak that have been marginalised or left behind in the past
— Imran Khan (@ImranKhanPTI) March 13, 2021
اس سے قبل جب چیئرمین سینٹ نے انتخاب جیت لیا تو وزیر اعظم کا انہون نے خصوصی طور پر شکریہ ادا کیا تھا۔
https://twitter.com/SadiqSanjrani5/status/1370422012431245319
