خلیج اردو
ابو ظہبی: ابو ظہبی پولیس نے گزشتہ دو سال میں آن لائن فراڈ سے حاصل شدہ 140 ملین درہم کی رقم بازیاب کر کے اصل مالکان کو واپس کر دی۔ اس دوران فورس نے 15,642 سائبر کرائم کے کیسز سنبھالے، جو اس بات کی نشاندہی ہے کہ امارات میں ڈیجیٹل خطرات میں مسلسل اضافہ ہو رہا ہے۔
اس موقع پر پولیس نے "بی کیئر فل” مہم کا نیا ایڈیشن بھی شروع کیا تاکہ عوام کو جدید سائبر کرائم کے طریقوں سے آگاہ کیا جا سکے۔ مہم میں فون اسکیمز، جعلی لنکس، ریموٹ سافٹ ویئر ڈاؤن لوڈ کرنے کے خطرات، پریمیم نمبرز یا گاڑیوں کے لیے ڈپازٹ، جعلی نوکری کے مواقع، سوشل میڈیا پر نامعلوم افراد کے فرینڈ ریکویسٹ قبول کرنا، گمراہ کن آن لائن اشتہارات، جعلی پراپرٹی ڈیلز اور سرمایہ کاری کے فراڈ جیسے نو اہم پہلو شامل ہیں۔
پولیس حکام نے کہا کہ یہ اقدام کمیونٹی کی حفاظت مضبوط بنانے، احتیاطی تدابیر اپنانے کی حوصلہ افزائی اور رہائشیوں کو بڑھتی ہوئی سائبر دھوکہ دہی سے بچاؤ کے لیے بااختیار بنانے کے لیے اٹھایا گیا ہے۔
