کرونا وائرس : متحدہ عرب امارات میں کرونا وائرس ویکسین لگوانے والے عملے کو تین دنوں کیلئے مفت کھانا مہیا کیا گیا

خلیج اردو
09اکتوبر 2021
ابوظبہی : ابوظبہی میں ہیلتھ سروس کمپنی سیہا کے عملے کا شکریہ ادا کرنے انہیں تین دنوں تک مفت میں لنچ فراہم کیا گیا جہاں عوام کو کرونا ویکسین فراہم کرنے والے کارکنوں کی خدمات کا اس انوکھے طریقے سے اعتراف کیا گیا۔

خراج تحسین پیش کرنے کا یہ اقدام ڈیلیوریو یو اے ای نے میکسیکن فوڈ کمپنی تاکاڈو میکسیکن کچن کے ساتھ اشتراک میں شروع کیا ہے۔ فوڈ ڈیلیوری ایپ سے ایک درجن سے زائد سواروں کے ایک قافلے نے ٹاکاڈو کی سب سے زیادہ فروخت ہونے والی بریٹوز کو اٹھایا اور انہیں مسلسل تین دن فرنٹ لائن ورکرز تک پہنچایا۔

سیہا کے ایک مراکز میں ویکسین لگوانے والے تقریبا 80 فیصد عملے نے مسلسل تین دن تک ان کے کام کی جگہ پر فراہم کی جانے والی ایک مفت بریٹو کھانے سے لطف اٹھا اور میزبانوں کا شکریہ ادا کیا۔

میکسیکن ریستوران نے ایک بیان میں کہا ہے کہ تاکاڈو میکسیکن کچن متحدہ عرب امارات میں اپنی 9 ویں سالگرہ منا رہا ہے اور اس اقدام سے ڈیلیوریو کے ساتھ شراکت داری کے ذریعے سیہا کے فرنٹ لائن ورکرز کا خصوصی شکریہ ادا کیا گیا۔

مسلسل تین دنوں تک تاکاڈو نے تازہ اور بھرے ہوئے برومیٹو تیار کیے جو بارباکو ، چاول ، پھلیاں ، سالسا ، اور مونٹیری جیک پنیر یا نرم آٹے کے ٹارٹیلا میں لپٹی ہوئی کریم سے بھرا ہوا تھا۔

تاکاڈو میکسیکن کچن کے چیف بریٹو آفیسر کرسچین جانسن نے کہا ہے کہ کرونا وائرس کے دوران ہم نے اپنے اور بہت سے دوسرے کاروباروں کیلئے مشکل ترین وقت میں ابتری سے بچنے کیلئے اپنی طرف سے کوشش کی ہے۔

ایک بیان میں تاکاڈو کی جانب سے بتایا گیا ہے کہ وہ اپنی نوویں سالگرہ پر عوام کی خدمت مین سرگرداں رہنے والے پرعزم ملازمین کا شکریہ ادا کیا ہے۔
Source : Khaleej Times