امارات اپنے ملازمین اور صارفین کی صحت اور حفاظت کو یقینی بنانے کے لئے ائیر پورٹ اور جہاز پر احتیاطی تدابیر کو بڑھا رہی ہے۔امارات مسافروں سے براہ راست کانٹیکٹ میں آنے والے سب کیبن عملے ، بورڈنگ ایجنٹ اور زمینی عملے کو ذاتی حفاظتی سازوسامان (پی پی ای) کا عطیہ کرے گا جس میں ان کے یونیفارم پر حفاظتی ڈسپوزایبل گاون ، نقاب اور دستانے کے علاوہ حفاظتی ویزر بھی شامل ہے۔
ڈی اکس بی ( DXB ) احتیاطی تدابیر
دبئی انٹرنیشنل ایئرپورٹ پر ، تمام صارفین اور ملازمین کے لئے دستانے اور ماسک لازمی ہیں۔ تھرمل اسکینرز ائیرپورٹ میں قدم رکھنے والے تمام مسافروں اور ملازمین کے درجہ حرارت کی نگرانی کرتے ہیں۔ مسافروں کو چیک ان اور بورڈنگ کے دوران ضروری فاصلہ برقرار رکھنے میں مدد کے لئے انتظار گاہوں پر جسمانی فاصلاتی اشارے رکھے گئے ہیں۔
ائیرپورٹ ٹیم نے کاؤنٹر پر بات چیت کے دوران مسافروں اور ملازمین کو اضافی حفاظتی یقین دہانی فراہم کرنے کے لئے ہر چیک ان ڈیسک پر حفاظتی رکاوٹیں بھی لگا رکھی ہیں۔
امارات کی پروازوں کی سیٹس
امارات کی پروازوں میں ، نشستیں پہلے سے مختص کی جاتی ہیں جس میں انفرادی مسافروں یا خاندانی گروہوں کے مابین جسمانی فاصلاتی پروٹوکول کی پابندی کے لئے خالی نشستیں رکھی گئیں ہیں-
امارات نے صحت اور حفاظت کی وجوہات کی بنا پر اپنی انفلائٹ خدمات میں بھی ردوبدل کیا ہے۔
کھانے کی خدمات کے دوران عملے اور صارفین کے مابین کانٹیکٹ کو اور باہمی تعامل کا خطرہ کم کرنے کے لئے ، بینٹو اسٹائلڈ باکس کی شکل میں کھانے اور مشروبات کی پیش کش کی جاری ہے۔ ذاتی باکس صارفین کو سینڈوچ ، مشروبات ، نمکین اور میٹھا مہیا کرتا ہے۔
اسی طرح ، وائرس پھیلنے کے خطرے کو کم کرنے کے لئے ، رسالے اور دیگر پرنٹ پڑھنے کا مواد عارضی طور پر دستیاب نہیں ہے۔ کیبن کا سامان فی الحال پروازوں میں قبول نہیں کیا جارہا ہے۔ کیبن میں لیپ ٹاپ ، ہینڈبیگ ، بریف کیس یا بچے کی اشیاء لانے کی اجازت ہے۔
امارات کے تمام طیارے ہر سفر کے بعد دبئی میں صفائی ستھرائی اور ڈس انفیکشن کے عمل سے گزریں گے۔
Source : Khaleej Times
21 April 2020
