خلیج اردو
29 مارچ 2021
دبئی: متحدہ عرب امارات نے دعویٰ کیا ہے کہ انہوں نے پانچ کمپنیوں سے معاہدے کیے ہیں جس سے وہ 4 بیلین درہم کی توانائی کچرے سے پیدا کریں گے۔
دبئی ہولڈنگ کے مطابق کنسورشیم دبئی ہولڈنگ ، سوئٹزرلینڈ کے ہیڈکواٹر ہٹاچی زوسن انووا ، جاپان کا آئی ٹی او سی ایچ او کارپوریشن ، بیلجیم کا بیسیکس گروپ اور دبئی کی مقامی تعمیراتی کمپنی ٹیک گروپ کے درمیان معاہدہ ہوا ہے۔
دبئی ہولڈنگ کے منیجنگ ڈائریکٹر خالد الملک نے کہا ہے کہ اس کنسورشیم کی تشکیل کرنے والی کمپنیوں کے گروپ کی جانب سے یہ اہم سرمایہ کاری متحدہ عرب امارات کی مارکیٹ میں بین الاقوامی اعتماد کی عکاس ہے۔ کرونا وائرس کے بعد کے مشکل صورت حال کے ہوتے ہوئے دبئی نے ہمیشہ امید جگائی ہے اور اپنے ساتھ دنیا کو بھی سرخرو کر دیا ہے۔
انہوں نے کہا کہ ہم اقوام متحدہ کی جانب سے وضح کیے گئے پائیدار ترقی کے اہداف کے حصول کیلئے پرجوش ہیں۔ اسٹریٹجک اور مالیاتی سرمایہ کاروں کے ایک مضبوط کنسورشیم کے ساتھ شراکت داری کرکے ہم امارات کی نمو اور تنوع کی حکمت عملی کی مستقل حمایت کرنے کے اپنے وعدے پر عمل پیرا ہیں۔
دبئی ہولڈنگ کا قیما 2004 میں عمل میں لایا گیا۔ یہ ایک ڈائیورسڈ عالمی کمپنی ہے جو 13 ممالک میں کام کرتی ہے اور 20،000 سے زیادہ افراد کو ملازمت فراہم کرتی ہے۔ اس میں 111 ارب درہم سے زائد مالیت کے اثاثوں کے ساتھ ایک وسیع پورٹ فولیو کا انتظام کیا گیا ہے جو دبئی کی معیشت کو 10 شعبوں میں متنوع اور ترقی کی حمایت کرتا ہے۔ ان شعبوں میں رئیل اسٹیٹ ، مہمان نوازی ، تفریح اور تفریح ، میڈیا ، آئی سی ٹی ، ڈیزائن ، تعلیم ، خوردہ ، مینوفیکچرنگ اور لاجسٹکس اور سائنس شامل ہیں۔
Source : Khaleej Times
