امارات ایئر اور فلائی دبئی کا بین الاقوامی روٹس میں اضافہ

خلیج اردو –  الاماراتی اخبار ’امارات الیوم‘ کے مطابق ’امارات ایئر‘ اور ’فلائی دبئی‘ نے بین الاقوامی ہوائی اڈوں کی تعداد میں رفتہ رفتہ اضافہ کیا ہے- امارات ایئر کی جانب سے  72 جبکہ فلائی دبئی نے 24 بین الاقوامی ہوائی اڈوں کے لیے خدمات کا دائرہ وسیع کیا

دونوں فضائی کمپنیوں نے جولائی کے اوائل سے اب تک اپنی پروازوں کے لیے بین الاقوامی ہوائی اڈوں کی تعداد میں 26 فیصد اضافہ کیا ہے

امارات ایئر ستمبر میں 75 ہوائی اڈوں کے لیے پروازیں چلائے گی-  23 اگست سے ہیوسٹن اور یکم ستمبر سے  برمنگھم اور چار ستمبر سے ہفتے میں دوبار وارسا کے لیے پروازیں چلائے گی

امارات ایئر کا کہنا ہے کہ 7 اکتوبر 2020 سے  وارسا کے لیے پروازوں کی تعداد تین ہو جائے گی- امارات ایئر وارسا سمیت یورپ کے 25 ہوائی اڈوں کے لیے پروازی بھیج رہی ہے

اردو نیوز کے مطابق  فلائی دبئی نے گزشتہ ہفتے قازقستان کے لیے پروازوں کی بحالی کا اعلان کیا تھا جبکہ ڈھاکا، جیبوتی اور کویت کے لیے بھی پروازیں بحال کی جاچکی ہیں- اس طرح فلائی دبئی 24 بین الاقوامی ہوائی اڈوں کے لیے پروازیں چلانے لگی ہے