خلیج اردو آن لائن:
متحدہ عرب امارات میں گاڑیوں کی منفرد نمبر پلیٹیں حاصل کرنے والوں کے لیے خوش خبری، فجیرہ امارات میں نئی اور منفرد نمبر پلیٹیں لانچ کی گئی ہیں جن میں دو مختلف ڈیزائنوں پر مشتمل اسپورٹس اور نجی نمبر پلیٹیں بھی شامل ہیں۔
فجیرہ پولیس کی جانب سے بدھ کے روز نئی اور منفرد نمبر پلیٹیں لانچ کی گئیں۔
لانچ کی گئی ان نمبر پلیٹوں میں اسپورٹس نجی پلیٹیں ( لمبی اور چھوٹی) شامل ہیں۔ جن پر کالے اور سرخ رنگ میں امارات فجیرہ کا نام منفرد انداز میں لکھا گیا ہے۔
حکام نے تصدیق کی ہےکہ نئی نمبر پلیٹیں تمام نئی رجسٹر ہونے والی گاڑیوں کے لیے 4 اپریل بروز اتوار سے دستیاب ہوں گیں۔ جب کے پرانی رجسٹریشن کی حامل گاڑیوں کی نمبر پلیٹوں کی تبدیلی کا عمل 2 مئی سے شروع ہوگا۔
مزید برآں، ٹرانسپورٹیشن کے لیے استعمال ہونے والی گاڑیوں، جیسا کہ ٹریلر، کی نمبر پلیٹٰیں تبدیل کرنے کا عمل اس سال کے دوسرے حصے میں شروع کیا جائے گا۔
Source: Khaleej Times
