خلیج اردو
متحدہ عرب امارات میں ایک نوجوان اماراتی نے ملازمت کی تلاش کے دوران پیش آنے والی مشکلات سے متاثر ہو کر ایک جدید اے آئی بیسڈ جاب سرچ پلیٹ فارم تیار کر لیا ہے، جس کا مقصد اماراتی ٹیلنٹ کو بہتر اور تیزی سے روزگار کے مواقع سے جوڑنا ہے۔
رپورٹ کے مطابق اکریہ راشد دولہ نے کہا کہ انہیں ملازمت کی تلاش میں واضح رہنمائی، فیڈبیک اور مؤثر پلیٹ فارم کی کمی کا سامنا رہا، جس کے بعد انہوں نے اپنے تجربے کو ایک بڑے حل میں تبدیل کرنے کا فیصلہ کیا۔
انہوں نے اپنے والد کے ساتھ مل کر “دولاتی” (Dawlati) نامی پلیٹ فارم قائم کیا جو مصنوعی ذہانت کے ذریعے امیدواروں کو تصدیق شدہ پروفائل کے ساتھ ملازمت کے مواقع سے جوڑتا ہے۔ یہ نظام یو اے ای پاس کے ذریعے تصدیق کرتا ہے اور امیدواروں کو بہتر میچنگ فراہم کرتا ہے۔
رپورٹ کے مطابق پلیٹ فارم کے آغاز کے صرف 150 دنوں میں 12 ہزار سے زائد اماراتی پروفیشنلز رجسٹر ہو چکے ہیں جبکہ سیکڑوں افراد کو روزگار کے مواقع بھی فراہم کیے گئے ہیں۔ ماہرین کے مطابق یہ نظام امارات میں ایمیراطائزیشن کے اہداف کو بہتر بنانے میں مدد دے سکتا ہے۔
