خلیج اردو
دبئی: متحدہ عرب امارات کے نائب صدر، وزیر اعظم اور دبئی کے حکمران شیخ محمد بن راشد المکتوم نے ممتاز کاروباری شخصیت حسین بن عبدالرحمن خانصاحب کے انتقال پر افسوس کا اظہار کیا اور ان کے اہل خانہ سے تعزیت کی۔
شیخ محمد بن راشد کے ہمراہ دبئی کے دوسرے نائب حکمران شیخ احمد بن محمد بن راشد المکتوم بھی موجود تھے۔ انہوں نے دبئی میں خانصاحب خاندان کے مجلس کا دورہ کیا اور مرحوم کے بیٹوں اور عزیزوں سے تعزیت کرتے ہوئے مرحوم کے لیے مغفرت اور جنت میں اعلیٰ مقام کی دعا کی۔ ساتھ ہی اہل خانہ کے لیے صبر و حوصلے کی دعا بھی کی۔
https://twitter.com/DXBMediaOffice/status/1966899254540329405
حسین خانصاحب دبئی کے قدیم کاروباری خاندان سے تعلق رکھتے تھے اور بزنس و فلاحی خدمات کے حوالے سے نمایاں مقام رکھتے تھے۔ ان کی خدمات میں بنیادی ڈھانچے کی تعمیر، سماجی منصوبے اور فلاحی اقدامات شامل ہیں، جنہوں نے انہیں ایک مثالی کاروباری اور سماجی رہنما کے طور پر متعارف کرایا۔
