خلیج اردو
دبئی: موسمِ خزاں کی آمد کے ساتھ ہی متحدہ عرب امارات کے رہائشی اور سیاح خوشگوار موسم سے فائدہ اٹھانے کے لیے آؤٹ ڈور سرگرمیوں کے منتظر ہیں۔ ہر سال سخت گرمی کے باعث یہ مقامات بند ہو جاتے ہیں اور سردیوں کے آغاز پر دوبارہ کھول دیے جاتے ہیں۔
ذرائع کے مطابق اس سال بھی چند بڑے تفریحی مقامات اپنی نئی سیزن کے آغاز کا اعلان کر چکے ہیں:
گلوبل ولیج: دنیا کا مشہور آؤٹ ڈور ایونٹ 15 اکتوبر 2025 کو اپنی 30ویں سیزن کا آغاز کرے گا۔ گزشتہ سال گلوبل ولیج میں انفراسٹرکچر کی بہتری، نئی کشش رکھنے والے مقامات اور 30 ممالک کے تھیم والے پویلین شامل تھے، جہاں منفرد مصنوعات، شوز اور کھانے پیش کیے گئے۔
دبئی فاؤنٹین: دبئی مال اور برج خلیفہ کے قریب واقع مشہور فاؤنٹین 19 اپریل کو بند ہونے کے بعد بڑے پیمانے پر مرمت اور اپ گریڈیشن کے مراحل سے گزر رہا ہے۔ یہ اکتوبر میں دوبارہ کھلے گا، جس میں نئے کوریوگرافی، لائٹنگ اور ساؤنڈ سسٹمز شامل ہوں گے۔
دبئی سفاری پارک: مختلف ماحول اور دنیا بھر کے جانوروں پر مشتمل یہ پارک اپنی ساتویں سیزن کے لیے 14 اکتوبر 2025 کو کھلے گا۔ پارک میں 3 ہزار سے زائد جانور موجود ہیں اور یہ نائٹ سفاری سمیت مختلف ایونٹس اور خصوصی شوز کا بھی اہتمام کرتا ہے۔
دبئی میرکل گارڈن: پھولوں اور فطرت کے دلدادہ افراد کے لیے یہ باغ ہر سال سردیوں میں کھلتا ہے۔ مئی سے ستمبر تک بند رہنے والا میرکل گارڈن اکتوبر میں اپنی رنگا رنگ کشش کے ساتھ دوبارہ کھلے گا۔
