خلیج اردو
ابوظبی – ابوظبی فیملی، سول اور ایڈمنسٹریٹو کلیمز کورٹ نے ایک بینک کے مارکیٹنگ نمائندے کو بار بار اشتہاری فون کالز کے ذریعے شہری کو تنگ کرنے پر 10 ہزار درہم ہرجانہ ادا کرنے کا حکم دیا ہے۔ عدالت نے ملازم کو عدالتی فیس اور اخراجات بھی ادا کرنے کا پابند کیا۔
کیس اس وقت شروع ہوا جب نمائندے نے شہری کو متعدد فون کالز کیں، جن میں سے کچھ رات گئے کی گئیں۔ اس پر شہری نے فوجداری شکایت درج کرائی۔ تفتیش کے بعد استغاثہ نے معاملہ فوجداری عدالت میں بھیجا، جس نے مارکیٹنگ نمائندے کو ہراساں کرنے کا مجرم قرار دیا۔
بعد ازاں متاثرہ شہری نے نمائندے اور بینک دونوں کے خلاف 1 لاکھ درہم ہرجانے اور دعویٰ دائر کرنے کی تاریخ سے سالانہ 9 فیصد منافع کے ساتھ ادائیگی کا مقدمہ دائر کیا، تاہم عدالت نے بینک کے خلاف دعویٰ خارج کر دیا اور ہرجانے کی رقم کم کر کے 10 ہزار درہم مقرر کرتے ہوئے ملازم کو ذمہ دار قرار دیا۔
