متحدہ عرب امارات

متحدہ عرب امارات : راس الخیمہ میں سکائی ڈائیونگ ، ایروبوٹک فلائیٹ کیلئے نئے طرز پر غباروں کو رائج کیا گیا ہے، یہ کافی منفرد کیسے ہیں؟

خلیج اردو
راس الخیمہ : متحدہ عرب امارات میں وہ لوگ جو ہوابازی کے سلسلہ میں کافی شوق رکھتے ہیں، ان کیلئے اپنی خوہشات کی تکمیل کیلئے کافی مواقع میسر ہوں گے۔

ایوی ایشن ایڈونچر ٹورازم کمپنی ایکشن فلائٹ ایوی ایشن 2022 کی پہلی سہ ماہی میں ایوی ایشن ایڈونچر کے شوقین افراد کیلئے ہاٹ ایئر بیلون، اسکائی ڈائیونگ اور ایروبیٹک پروازوں کے تجربات کا آغاز کرے گی۔

کمپنی نے حال ہی میں راس الخیمہ بین الاقوامی ایئرپورٹ کے ساتھ معاہدہ کیا ہے تاکہ مہم جوئی کے آپریشنل بیس کے طور پر ایک ہوائی اڈہ قائم کیا جا سکے۔

سی او او اور ڈائریکٹر فلائٹ آپریشنز ایکشن فلائٹ ایوی ایشن وین جیک نے میڈیا کو بتایا کہ ابتدائی طور پر ہم ریڈ بل ایئر ریس قسم کے ہوائی جہاز کے ساتھ ایروبیٹک تجربہ پیش کریں گے۔ یہ دنیا کے سب سے اعلیٰ کارکردگی والے ایروبیٹک طیاروں میں سے ایک مسافر ایروبیٹک سواری ہوگی۔ اس میں ایک مسافر کے علاوہ ایک تربیت یافتہ پائلٹ بھی ہوگا تاکہ کسی قسم کا کوئی مسئلہ نہ ہو۔

راس الخیمہ بین الاقوامی ایئرپورٹ سے روانگی، ایک ایروبیٹک پرواز تقریباً 20 منٹ کا تجربہ ہوگا۔ اس کے علاوہ راس الخیمہ میں پہلی بار گرم ہوا کے غبارے کے تجربات بھی متعارف کرائے جائیں گے جس کی پرواز کا دورانیہ تقریباً ایک گھنٹے ہے۔

کمپنی 24 مسافروں کی گنجائش کے ساتھ دو بہت بڑے 450,000 کیوبک فٹ گرم ہوا کے غبارے چلاتی ہے۔

راس الخیمہ متحدہ عرب امارات کی بلند ترین چوٹی جبل جیس کا گھر ہے اور یہ سیاحت کے شعبے کے مختلف پہلوؤں، خاص طور پر ایڈونچر ٹورازم کے ساتھ ساتھ مہمان نوازی پر بہت زیادہ توجہ مرکوز کر رہی ہے۔ جیبل جیس دنیا کی سب سے لمبی زپ لائن کا گھر بھی ہے جس کا ٹریک 2.83 کلومیٹر تک پھیلا ہوا ہے۔

مہمان نوازی کے شعبے کو فروغ دینے کیلئے سیاحت کے حکام اور ماسٹر ڈویلپر مرجان نے منگل کو لاس ویگاس میں قائم ہوٹل اور کیسینو آپریٹر وین ریزورٹس نے 2026 تک راس الخیمہ کے ساحل پر 1,000 کمروں پر مشتمل ریزورٹ کھولنے کا اعلان کیا۔

انہوں نے راس الخیمہ ٹورازم ڈویلپمنٹ اتھارٹی نے ایک نئے ڈویژن کی تشکیل کا بھی اعلان کیا ہے جو انٹیگریٹڈ ریزورٹس کو ریگولیٹ کرے گا۔ ان میں ہوٹل آپریشنز، کنونشن کی جگہ، تفریح، ریستوراں اور لاؤنجز، سپا، ریٹیل اور گیمنگ کی سہولیات شامل ہیں۔

جیک راس الخیمہ کے بارے میں ایڈونچر ٹورازم کی منزل کے طور پر بہت مثبت ہے۔

راس الخیمہ متحدہ عرب امارات کے اندر لوگوں کے ساتھ ساتھ باہر سے آنے والے سیاحوں کیلئے قیام کی ایک بہت مشہور جگہ ہے۔ اس میں وہ سب کچھ ہے جو ایک مسافر کے طور پر کوئی چاہتا ہو۔

یہ دوسروں سے منفرد اس طرح سے ہے کہ پرواز کے دوران آپ خوبصورت نظاروں سے لطف اندوز ہو سکیں گے۔ اس حوالے سے سہولیات کو حتمی شکل دے دی گئی ہے۔

Source : Khaleej Times

متعلقہ مضامین / خبریں

Back to top button