خلیج اردو: متحدہ عرب امارات کی وزارت صحت اور روک تھام (MOHAP) نے اعلان کیا کہ اس نے جدید ترین میڈیکل ٹسٹ کے آلات کا استعمال کرتے ہوئے گزشتہ 24 گھنٹوں کے دوران 255,471 اضافی کووڈ-19 ٹیسٹ کیے ہیں۔
ایک بیان میں، وزارت نے ملک بھر میں ٹسٹوں کے دائرہ کار کو جاری رکھنے کے اپنے مقصد پر زور دیا تاکہ کورونا وائرس کے کیسز کی جلد تشخیص اور ضروری علاج کروانے میں آسانی ہو۔ اپنی تیز تر جانچ مہم کے ایک حصے کے طور پر، MoHAP نے 1,257 نئے کورونا وائرس کیسز رپورٹ کیے، جس سے متحدہ عرب امارات میں ریکارڈ شدہ کیسز کی کل تعداد 988,004 ہوگئی۔
وزارت کے مطابق، متاثرہ افراد مختلف قومیتوں سے تعلق رکھتے ہیں، ان کی حالت مستحکم ہے، اور انکی ضروری دیکھ بھال جاری ہے ۔
وزارت نے مزید کہا کہ گزشتہ 24 گھنٹوں میں کووڈ-19 سے کوئی موت نہیں ہوئی، جس سے مرنے والوں کی تعداد 2,334 پر برقراررہی۔
ایم او ایچ اے پی نے یہ بھی نوٹ کیا کہ اضافی 1,095 افراد کووڈ-19 سے مکمل طور پر صحت یاب ہو چکے ہیں، جس سے صحت یاب ہونے والوں کی کل تعداد 967,050 ہو گئی ہے۔
