خلیج اردو
محکمہ موسمیات کے مطابق پیر کو سمندر اور ساحلی علاقوں، شمالی اور مشرقی حصوں میں مطلع جزوی سے مکمل ابر آلود رہے گا، صبح کے وقت ہلکی بارش ہوسکتی ہے۔
محکمہ موسمیات کا کہنا ہے کہ “درجہ حرارت میں معمولی کمی ہوگی اور موسم مجموعی طور پر خوشگوار رہے گا۔”
ملک بھر میں درجہ حرارت 26 ڈگری سینٹی گریڈ سے زیادہ نہیں ہوگا، دبئی میں کم سے کم درجہ حرارت 16 ڈگری جبکہ ابو ظہبی میں 15 ڈگری تک گرنے کا امکان ہے۔
رات اور منگل کی صبح بعض ساحلی اور اندرونی علاقوں میں نمی بڑھے گی، جب کہ دھند بننے کا بھی امکان ظاہر کیا گیا ہے۔
ہوائیں شمال مشرق سے شمال مغرب کی جانب 10 سے 25 کلومیٹر فی گھنٹہ کی رفتار سے چلیں گی، جو بعض اوقات تیز ہو کر گرد و غبار کا سبب بن سکتی ہیں۔
سمندر کی صورتحال کے مطابق عرب خلیج میں صبح کے وقت سمندر طوفانی جبکہ بعد ازاں معتدل رہے گا، عمانی سمندر میں حالات معتدل سے ہلکے رہنے کی پیش گوئی ہے۔
