خلیج اردو
ابوظہبی: متحدہ عرب امارات میں بدھ کی صبح مغربی علاقوں میں دھند کے باعث مسلسل دوسرے روز ریڈ اور یلو الرٹ جاری کر دیے گئے۔ نیشنل سینٹر فار میٹیورولوجی نے شہریوں کو خبردار کیا ہے کہ دھند کے دوران حد نگاہ کم ہو سکتی ہے، اس لیے ڈرائیونگ میں احتیاط برتی جائے۔
ابوظہبی پولیس نے شیخ خلیفہ بن زاید انٹرنیشنل روڈ (الثمیرية سے الرویس تک) اور بو حصہ روڈ (حبسان سے بو حصہ تک) پر رفتار کی حد کم کر دی ہے۔
محکمہ موسمیات کے مطابق مشرقی اور جنوبی علاقوں میں آسمان صاف سے جزوی ابر آلود رہے گا اور کہیں کہیں بارش والے بادل بھی بن سکتے ہیں۔ گزشتہ روز ملک کے بعض حصوں میں بارش اور اولے بھی پڑے جس سے گرمی کی شدت میں کمی آئی۔
بدھ کی رات اور جمعرات کی صبح مغربی علاقوں میں نمی بڑھنے کا امکان ہے جبکہ دن کے اوقات میں ہلکی سے معتدل ہوائیں چلیں گی جو گرد و غبار کا باعث بن سکتی ہیں۔
عرب خلیج اور بحیرہ عمان میں سمندر کی صورتحال ہلکی رہنے کی پیشگوئی کی گئی ہے۔
