خلیج اردو
نیروبی: پاکستان کے نامور سینیئر صحافی اور اینکر پرسن ارشد شریف اب اس دنیا میں نہیں رہے۔ ان کی موت مبینہ طور پر حادثے کی وجہ سے بتائی جارہی ہے جبکہ کچھ میڈیا اور سوشل میڈیا پلیٹ فارمز پر ان کو قتل کیے جانے کا الزام بھی لگایا جارہا ہے۔
ارشد شریف کے خاندان ذرائع نے ان کی موت کی تصدیق کی ہے۔ جیو نیوز کی رپورٹ کے مطابق کینیا کی مقامی پولیس کی جانب سے واقعے کی تحقیقات جاری ہیں۔
مرحوم ارشد شریف پاکستان میں مختلف حلقوں کی جانب سے مبینہ طور پر دھمکیوں کے بعد پاکستان سے چلے گئے تھے۔ وہ دبئی سے لندن گئے اور پھر وہاں سے کینیا منتقل ہوئے تھے۔
ارشد شریف کی تیسری بیوی جویریہ صدیق نے ایک ٹویٹ میں عوام سے درخواست کی ہے کہ وہ ارشد شریف کی ذاتی زندگی سے متعلق تصاویر یا معلومات یا ان کی اسپتال سے تصاویر سوشل میڈیا پر شیئر نہ کریں۔
I lost friend, husband and my favourite journalist @arsched today, as per police he was shot in Kenya.
Respect our privacy and in the name of breaking pls don't share our family pics, personal details and his last pictures from hospital.
Remember us in ur prayers. pic.twitter.com/wP1BJxqP5e— Javeria Siddique (@javerias) October 24, 2022
ارشد شریف کی موت کے بعد ان کے ساتھیوں نے سوشل میڈیا پر شریف کیلئے بے پناہ محبت کا اظہار کیا اور ان کی موت کو ایک سانحہ قرار دیا۔ ان کے چاہنے والے سے ایک قتل قرار دے رہے ہیں جس کی کسی سرکاری سطح پر تصدیق نہیں ہوئی ہے۔ سابق وفاقی وزیر اور صحافت سے ایک عرصہ تک وابستہ رہنے والے پی ٹی آئی کے رہنما فود چوہدری نے اسے ظلم کی انتہا قرار دیا ہے۔
ارشد شریف کے قتل کی خبر پر دل خون لہو لہو ہے، ظلم حد پار کر گیا ہے !
— Ch Fawad Hussain (@fawadchaudhry) October 24, 2022
صحافی خاور گھمن نے مسٹر شریف کی طرز صحافت اور بہادری کی تعریف کرتے ہوئے شعر کی زبان میں انہیں خراج پیش کیا ہے۔
جس دھج سے کوئی مقتل میں گیا وہ شان سلامت رہتی ہے
یہ جان تو آنی جانی ہے اس جاں کی تو کوئی بات نہیں pic.twitter.com/yCfDsaaOhn— Khawar Ghumman (@Ghummans) October 24, 2022
اے آر وائی نیوز کے اینکر پرسن کاشف عباسی نے لکھا کہ ’میرے بھائی، میرے دوست، میرے ساتھی ارشد شریف کو کینیا میں گولی مار کر شہید کر دیا گیا، میں اب بھی یقین نہیں کر سکتا، یہ خبر اذیت ناک ہے، یہ بہت غلط اور تکلیف دہ ہے‘۔
My brother,my friend my colleague arshad shareef was shot dead in Kenya..I still can’t believe it. It’s beyond heart breaking.this is just wrong.. this is painful.. I love u brother
— Kashif Abbasi (@Kashifabbasiary) October 23, 2022
