ٹرمپ کا ایلون مسک کی تیسری سیاسی جماعت کے اعلان پر طنز، ’یہ احمقانہ اور انتشار انگیز ہے

خلیج اردو
واشنگٹن: سابق امریکی صدر ڈونلڈ ٹرمپ نے ایلون مسک کی جانب سے ایک نئی تیسری سیاسی جماعت کے قیام کے اعلان کو ’مضحکہ خیز‘ اور ’احمقانہ‘ قرار دیتے ہوئے کہا ہے کہ امریکہ ہمیشہ سے دو جماعتی نظام کے تحت چلا ہے اور تیسری جماعت صرف انتشار پھیلانے کا باعث بنے گی۔

اپنے بیان میں ڈونلڈ ٹرمپ کا کہنا تھا کہ ’’ایلون مسک سیاست میں آ کر صرف تفریح کر سکتا ہے، نئی جماعت بنانا ایک غیر سنجیدہ قدم ہے۔ امریکا دو جماعتی نظام کے لیے ہی تشکیل پایا تھا اور ہم ریپبلکن پارٹی کے ساتھ شاندار کامیابیاں سمیٹ رہے ہیں۔‘‘

انہوں نے مزید کہا کہ ’’ڈیموکریٹس اپنی سمت کھو چکے ہیں، اور ایسے میں تیسری جماعت کا قیام صرف موجودہ نظام کو نقصان پہنچانے کے مترادف ہوگا۔‘‘

ٹرمپ نے اس موقع پر روسی صدر ولادیمیر پیوٹن سے حالیہ گفتگو کو بھی مایوس کن قرار دیا، تاہم اس گفتگو کی تفصیلات سے انہوں نے پردہ نہیں اٹھایا۔

ٹرمپ کے اس بیان کو سیاسی مبصرین نے 2024 کے امریکی صدارتی انتخابات کے تناظر میں ایک حکمت عملی قرار دیا ہے، تاکہ ووٹ تقسیم ہونے سے بچایا جا سکے اور ریپبلکن ووٹ بینک کو مستحکم رکھا جا سکے۔