خلیج اردو
امریکی صدر ڈونلڈ ٹرمپ نے کہا ہے کہ امریکا ایران کے ساتھ بات چیت کیلئے تیار ہے، تاہم ممکن ہے کہ مذاکرات کی ضرورت ہی نہ پڑے۔ ان کا کہنا تھا کہ ایران کے ساتھ جاری جنگ بہت جلد ختم ہو سکتی ہے کیونکہ ایران کی طاقت وقت سے پہلے ہی کمزور کر دی گئی ہے۔
امریکی صدر کے مطابق اب تک ایران کے پانچ ہزار سے زائد اہداف کو نشانہ بنایا جا چکا ہے جس کے باعث ایران کو شدید نقصان پہنچا ہے۔ انہوں نے کہا کہ ایران میں نیا سپریم لیڈر مزید مسائل کی قیادت کرنے جا رہا ہے۔
ڈونلڈ ٹرمپ کا مزید کہنا تھا کہ امریکا ایرانی حکومت کو دنیا کو یرغمال بنانے کی اجازت نہیں دے گا اور خطے میں امن و استحکام کیلئے ہر ممکن اقدام جاری رکھا جائے گا۔
تجزیہ کاروں کے مطابق امریکی صدر کے بیانات اس بات کی نشاندہی کرتے ہیں کہ واشنگٹن ایک جانب دباؤ برقرار رکھنا چاہتا ہے جبکہ دوسری جانب سفارتی راستہ بھی کھلا رکھنا چاہتا ہے۔
