خلیج اردو
امریکی صدر ڈونلڈ ٹرمپ نے کہا ہے کہ ایران انہیں طویل عرصے سے قتل کرنا چاہتا ہے اور وہ مبینہ طور پر ایران کی ہدفی فہرست میں سرفہرست ہیں۔
نیویارک پوسٹ کو دیے گئے انٹرویو میں صدر ٹرمپ نے کہا کہ اگر ان کے ساتھ کچھ بھی ہوا تو ایران پر ایسی بمباری کی جائے گی جو اس نے پہلے کبھی نہیں دیکھی ہوگی۔
ٹرمپ نے دعویٰ کیا کہ ایران کافی عرصے سے انہیں نشانہ بنانے کی کوشش کر رہا ہے، تاہم انہوں نے اس حوالے سے مزید تفصیلات فراہم نہیں کیں۔
دوسری جانب صدر ٹرمپ نے اپنے سوشل میڈیا پلیٹ فارم "ٹرتھ سوشل” پر ایک بیان میں ایران کے ساتھ جنگ بندی کے خاتمے اور مذاکرات کا عمل جاری رکھنے کا بھی اعلان کیا۔
امریکی صدر کے ان بیانات نے ایک بار پھر واشنگٹن اور تہران کے درمیان کشیدہ تعلقات کے تناظر میں نئی بحث چھیڑ دی ہے۔
