خلیج اردو
نئی دہلی: بھارت نے بدھ کے روز پاکستانی ایئرلائنز کے لیے اپنی فضائی حدود بند کر دی ہیں، جس کا اطلاق 30 اپریل سے 23 مئی تک ہوگا۔ بھارتی حکومت کی جانب سے جاری کردہ نوٹس ٹو ایئرمین (NOTAM) میں اس فیصلے کی تصدیق کی گئی ہے۔
یہ اقدام اس وقت سامنے آیا ہے جب چند روز قبل پاکستان نے بھارتی ایئرلائنز پر اپنی فضائی حدود استعمال کرنے پر پابندی عائد کی تھی، جو کشمیر میں سیاحوں پر حملے میں 26 افراد کی ہلاکت کے بعد ردعمل کے طور پر کیا گیا تھا۔
بھارتی حکام کے مطابق یہ فیصلہ حفاظتی اقدامات کے تحت کیا گیا ہے، تاہم ماہرین کا کہنا ہے کہ یہ اقدام دونوں ممالک کے درمیان بڑھتی ہوئی کشیدگی کی علامت ہے، جس کے اثرات سفارتی اور فضائی روابط پر بھی پڑ رہے ہیں۔
