خلیج اردو
ماسکو: روسی صدر ولادیمیر پیوٹن نے امریکہ کے ساتھ تعلقات میں حالیہ بہتری کا سہرا سابق امریکی صدر ڈونلڈ ٹرمپ کے سر باندھ دیا ہے۔ پیوٹن کا کہنا ہے کہ صدر ٹرمپ کی کوششوں کے نتیجے میں روس اور امریکہ کے درمیان تعلقات میں استحکام آنا شروع ہو چکا ہے۔
صدر پیوٹن نے ٹرمپ کے لیے نیک جذبات کا اظہار کرتے ہوئے کہا کہ وہ ان کا بے حد احترام کرتے ہیں اور ان سے ملاقات کے خواہاں ہیں۔ ان کا کہنا تھا کہ اس ملاقات کی تیاری انتہائی محتاط انداز میں کی جائے گی، لیکن اس کے امکانات موجود ہیں۔
روسی صدر نے کہا کہ وہ ٹرمپ کے شکر گزار ہیں کہ دونوں ممالک کے درمیان سفارتی تعلقات میں بعض پہلوؤں سے بہتری آنا شروع ہو چکی ہے۔ ان کے بقول اگرچہ تمام امور پر اتفاق نہیں ہوا، مگر ابتدائی اقدامات کیے جا چکے ہیں اور پیش رفت جاری ہے۔
پیوٹن کا یہ بیان ایسے وقت میں سامنے آیا ہے جب عالمی سفارتی حلقے روس اور امریکہ کے درمیان کشیدگی کے خاتمے کے امکانات کا جائزہ لے رہے ہیں۔
