دبئی کی عدالت میں نوکری کی متلاشی کو اغوا اور دوران ڈرائیونگ ہراساں کرنے پر کیس کی سماعت

خلیج اردو: دبئی کورٹ آف فرسٹ انسینس میں گزشتہ دنوں اس کیس کی سماعت ہوئی جسمیں ایک شخص نے ملازمت کی متلاشی کو ملازمت کی پیش کش کا لالچ دینے کے بعد اسے اغوا کرلیا۔ دبئی کے پبلک پراسیکیوشن ریکارڈ کے مطابق ، یہ واقعہ 27 جولائی کو پیش آیا۔ 31 سالہ پاکستانی شخص نے مبینہ طور پر اس نیپالی خاتون کو اغوا کیا ، جسکو اس نے اپنی ماں کی خدمت کیلئے بحیثیت نوکرانی کام دینے کا جھانسہ دیا تھا۔

اس خاتون کا موبائل نمبر آن لائن دیکھنے کے بعد ، مدعا علیہ نے خاتون کو فون کیا اور اسے بلایا۔ ریکارڈ کے مطابق ، اس نے اس کے بعد اس خاتون کو گاڑی میں پک کیا اور اسے تقریبا تین گھنٹے دبئی کے گرد گاڑی میں گھماتا رہا اور جنسی ہراسگی کرتا رہا جسکی الفیضہ پولیس اسٹیشن میں شکایت درج کروائی گئی۔

حراست میں رکھنے والے ملزم پر اغوا اور چھیڑ چھاڑ کا الزام ہے۔

شکایت کنندہ ، ایک 29 سالہ نیپالی خاتون نے بتایا کہ مدعا علیہ نے اس کا نمبر آن لائن دیکھنے کے بعد اسے ٹیکسٹ کیا۔ "میں نوکری کی تلاش میں تھی۔ واقعے کے دن ، میں اس کی کار میں سوار ہوتے وقت پریشان ہوگئی لیکن اس نے مجھے یقین دلایا کہ فکر کی ضرورت نہیں ہے۔”

اس نے یہ بات دہرائی کی جب اچانک اس نے اسے نامناسب طور پر چھونا شروع کیا تو اسے بہت خوف محسوس ہوا۔ "اس نے کہا کہ اس نے کوویڈ ۔19 کی پرواہ نہیں کی اور مجھ سے نزدیکی بناتا رہا۔ میں نے اسے رکنے کو کہا لیکن وہ نہیں مانا اور مجھے پرسکون رہنے کو کہا۔ میں نے اپنے شوہر کو فون کیا اور ملزم پھر مجھے چھوڑنے پر راضی ہوگیا۔”

تاہم ، ملزم گاڑی چلاتا رہا اور جب اس نے مجھے گاڑی سے اتارا تو میں نے اس سے کہا کہ میں پولیس کو فون کروں گی تو وہ وہاں سے بھاگ گیا۔”

پولیس کے ایک سارجنٹ نے بتایا کہ انہوں نے شکایت کنندہ کی طرف سے دی گئی کار کی تفصیل کی بدولت مدعی کو ڈھونڈ لیا۔ "وہ اس کمپنی سے تعلق رکھنے والی کار چلا رہا تھا جس کے لئے وہ کام کرتا تھا۔ ملزم نے پولیس اسٹیشن میں اعتراف کیا کہ اس نے خاتون کو کار سے اترنے نہیں دیا تاہم اس نے دعوی کیا کہ اس نے صرف اس کے ہاتھ اور بازو کو چھوا تھا۔

اس خاتون کے شوہر جو ایک سیکیورٹی گارڈ ہے نے بتایا کہ آن لائن پوسٹ کیا ہوا موبائل نمبر اس کا اپنا تھا۔ "اس نے شام 5.30 بجے کے قریب میری بیوی کو کرما سے پک کیا۔ بعد میں ، میری بیوی نے مجھے روتے ہوئے کال کرکے کہا کہ مدعا علیہ اسے جانے نہیں دے گا۔ وہ بہت خوفزدہ تھی کیونکہ اس شخص نے اسے اپنی مرضی کے خلاف کار کے اندر رکھا ہوا تھا۔ جیسے ہی میں نے اس سے منت کی۔ میری بیوی کو جانے دو ، اس نے چیخنا شروع کیا۔ آخر کار اس نے اسے کوئز کے قریب چھوڑ دیا۔ جس پر بعد میں انہوں نے پولیس اسٹیشن میں شکایت درج کی۔