خلیج اردو: لاہور ائیرپورٹ سے روانہ ہونیوالی نجی ائیرلائن کی بین الاقوامی پرواز میں کورونا مریض کے بیٹھنے سے لاہور ایئرپورٹ حکام کی دوڑیں لگ گئیں ، ایئرپورٹ پرتعینات میڈیکل ٹیم نے کارروائی کرتے ہوئے مسافر کو فوری طور پر طیارے سے نیچے اتار لیا۔
آف لوڈ کیا گیا مسافر نجی ایئرلائن کی پرواز 412 سے متحدہ عرب امارات کی ریاست شارجہ جا رہا تھا ، مسافر نےکورونا ہونےکے باوجود سفر کی کوشش کی جس پر ٹیم نے کارروائی کی اور اسے واپس اتار دیا ، جس کے بعد میڈیکل ٹیم نےکورونا مریض کو محکمہ صحت پنجاب کے حوالے کردیا جب کہ ایئرپورٹ پر انتظامات مزید سخت کر دیے گئے۔
