خلیج اردو: دبئی پولیس کے ایک عہدیدار نے جمعرات کو بتایا کہ پچھلے 48 گھنٹوں کے دوران دبئی کی سڑکوں پر متعدد ٹریفک حادثات میں 6 افراد زخمی ہوئے۔
دبئی پولیس میں محکمہ ٹریفک کے ڈائریکٹر بریگیڈیئر سیف مظہر المظروی نے بتایا کہ زیادہ تر حادثات اس وجہ سے ہوئے کہ ڈرائیوروں نے ڈرائیونگ کے دوران توجہ نہیں دی یا اچانک تیزی سے موڑ کاٹتے ہوئے اور تیزرفتاری کی وجہ سے ہوا۔
پہلا حادثہ الکوز صنعتی علاقے میں اس وقت پیش آیا جب ایک کار ای اسکوٹر سے ٹکرا گئی۔ "ای اسکوٹر سوار نے توجہ نہیں دی اور اسے کسی نامزد علاقے میں نہیں چلا رہا تھا۔ اسلئے انہیں شدید چوٹیں آئیں اور انہیں اسپتال لے جایا گیا ، "بریگیڈ المظروی نے بتایا۔
دوسرا حادثہ ام رامول کے علاقے میں اس وقت پیش آیا جب ایک ٹرک کار سے ٹکرا گیا جس کے نتیجے میں کار کے ڈرائیور کو معمولی چوٹیں آئیں۔
بریگیڈ المظروی نے مزید کہا کہ تیسرا حادثہ التحاڈ روڈ پر دبئی کی طرف پیش آیا جب اچانک ایک کار تیزی سے موڑ کاٹتے ہوئے سڑک کی ایک رکاوٹ سے ٹکرا گئی، جس سے کار پلٹ گئی اور ڈرائیور کو معمولی چوٹیں آئیں اور انہیں اسپتال منتقل کردیا گیا ۔
ایک اور حادثہ ال اتحاد روڈ پر اس وقت پیش آیا جب ایک گاڑی راستہ سے ہٹ کر فٹ پاتھ پر چڑھ گئی جس کے نتیجے میں ڈرائیور زخمی ہوگیا۔
ایک اور حادثہ میں جو شیخ زید روڈ کے قریب سروس روڈ پر پیش آیا ، ایک تیزرفتار گاڑی دوسری تیز رفتار گاڑی سے ٹکرا گئی جس سے دوسری گاڑی پھسل گئی اور دو افراد زخمی ہوگئے۔
بریگیڈ المزروی نے مزید کہا ، "تمام حادثات ڈرائیوروں کی غلطیوں کی وجہ سے پیش آئے جیسے توجہ نہ دینا اور تیزی کرنا۔”
دبئی پولیس نے تمام گاڑیوں پر زور دیا ہے کہ وہ ہر وقت ٹریفک ہدایات پر عمل کریں اور رفتار کی حدود میں گاڑی چلائیں۔
