پاکستانی خبریں

پاکستان میں2 کروڑ 20 لاکھ بچے سکولوں سےباہر،زیادہ تعداد لڑکیوں کی ہے،وزیراعظم پاکستان شہباز شریف

خلیج اردو
اسلام آباد: پاکستان کے وزیراعظم محمد وزیر اعظم نے خواتین کو تعلیم میں درپیش چیلنجز کے حوالے سے دو روزہ عالمی کانفرنس سے خطاب میں کہا ہے کہ پاکستان کی خواتین کو تعلیم کے حصول میں متعدد مسائل کاسامنا ہے۔

وزیراعظم نے کہا کہ وفاق اور صوبے بچوں کےداخلوں کیلئے اقدامات کررہے ہیں، ہم نے کمیٹی بنائی ہے جوصوبوں سےرابطے میں رہے گی۔

انہوں نے کہا کہ بچوں خصوصاً لڑکیوں کےسکول میں داخلے بہت بڑا چیلنج ہے،خواتین کو تعلیم کی فراہمی کیلئے مشترکہ کوششوں کو فروغ دینا ہوگا، لڑکیوں کو معیاری اوریکساں تعلیمی مواقع کی فراہمی کیلئےاقدامات کررہےہیں۔

وزیراعظم نے اپنی تقریر میں حضرت خدیجہؓ کی تجارت کیلئے کی گئی کوششوں کا حوالہ بھی دیا ۔ شہید بینظیر بھٹو کی خدمات کو بھی خراج عقیدت پیش کیا،کہابینظیر بھٹو اسلامی دنیا کی پہلی خاتون وزیراعظم بنیں، مریم نواز پہلی خاتون وزیراعلیٰ پنجاب ہیں۔

وزیراعظم نے عربی زبان میں مہمانوں کو خوش آمدید کہا ، ، ملالہ یوسفزئی بھی کانفرنس میں شریک ہیں، انہیں خوش آمدید کہتے ہیں۔

گرل کانفرنس میں 47اسلامی ممالک کے 150 مندوبین کی شرکت،بین الاقوامی شراکت داری کے معاہدے پر دستخط کئے گئے۔

متعلقہ مضامین / خبریں

Back to top button