پاکستانی خبریںخلیجی خبریںمتحدہ عرب امارات

شاہ محمود قریشی کی متحدہ عرب اماراتی وزیر مملکت برائے خارجہ امور، احمد علی الصایغ سے ملاقات

خلیج اردو: پاکستان کے وزیر خارجہ شاہ محمود قریشی نے متحدہ عرب اماراتی وزیر مملکت برائے خارجہ امور، احمد علی الصایغ سے ابوظہبی میں ملاقات کی۔

اماراتی وزیر مملکت برائے خارجہ امور نے وزیر خارجہ مخدوم شاہ محمود قریشی کا پرتپاک خیر مقدم کیا۔ دوران ملاقات دو طرفہ تعلقات ،مختلف شعبہ جات میں دو طرفہ تعاون کے فروغ سمیت باہمی دلچسپی کے اہم علاقائی و عالمی امور پر تبادلہ خیال کیا گیا-

مخدوم شاہ محمود قریشی نے کہا کہ پاکستان، متحدہ عرب امارات کے ساتھ، دو طرفہ تعلقات کو انتہائی اہمیت دیتا ہے۔ دونوں ممالک کے درمیان یکساں مذہبی، ثقافتی اقدار،ان دو طرفہ مراسم کو مزید مضبوط اور مستحکم بناتی ہیں۔ پاکستانیوں کی ایک کثیر تعداد، متحدہ عرب امارات میں مقیم ہے اور مختلف شعبہ ہائے زندگی میں اپنی خدمات سر انجام دے رہی ہے۔ پاکستان نے اپنی جغرافیائی معاشی ترجیحات پر خصوصی توجہ مرکوز کیے ہوئے ہے۔ پاکستان اور متحدہ عرب امارات کے مابین دو طرفہ تجارت اور سرمایہ کاری کے فروغ کے وسیع مواقع موجود ہیں۔ ہمارے سفارت خانے "معاشی سفارت کاری” کو بروئے کار لا کر بیرونی سرمایہ کاروں کو پاکستان میں کاروبار کے وسیع تر، میّسر مواقعوں سے متعارف کروا رہے ہیں-

وزیر خارجہ نے اماراتی وزیر مملکت برائے خارجہ امور کو مقبوضہ جموں و کشمیر میں جاری انسانی حقوق کی سنگین خلاف ورزیوں، افغان امن عمل سمیت خطے میں امن و امان کی مجموعی صورتحال سے مطلع کیا

فریقین نے دو طرفہ تجارت اور اقتصادی تعاون کے فروغ کے لئے،پاکستان اور یو اے ای کے درمیان، کاروباری وفود کے تبادلے اور اقتصادی روابط بڑھانے پر اتفاق کیا-

متحدہ عرب امارات کے وزیر مملکت برائے خارجہ اموراحمد علی الصایغ نے متحدہ عرب امارات کی تعمیر و ترقی میں، وہاں مقیم پاکستانی کمیونٹی کے کردار کی تعریف بھی کی-

اماراتی وزیر مملکت برائے خارجہ امور، احمد علی الصایغ نے وزیر خارجہ کا شکریہ ادا کرتے ہوئے انہیں دو طرفہ تجارت کے فروغ سمیت باہمی دلچسپی کے شعبوں میں تعاون بڑھانے کیلئے اپنی معاونت کا یقین دلایا –

متعلقہ مضامین / خبریں

Back to top button