ابوظہبی میں دفاعی کارروائی کے بعد شریپل گرنے سے ایک شخص زخمی، فیکٹری آپریشنز عارضی طور پر معطل

خلیج اردو
ابوظہبی میں مسافہ کے رنین سسٹمز کمپنی کے علاقے میں شریپل گرنے کے واقعے میں ایک شخص زخمی ہو گیا ہے۔ حکام کے مطابق یہ واقعہ فضائی دفاع کی کامیاب کارروائی کے نتیجے میں پیش آیا۔

ابوظہبی میڈیا آفس نے تصدیق کی کہ واقعے میں ایک گھانا نژاد شہری کو معمولی سے درمیانی درجے کی چوٹیں آئیں۔ عوام سے اپیل کی گئی ہے کہ وہ صرف سرکاری ذرائع پر بھروسہ کریں اور افواہوں یا غیر مصدقہ معلومات کو پھیلانے سے گریز کریں۔

5 اپریل کو فضائی دفاعی کارروائی کے نتیجے میں برُوج پیٹرو کیمیکلز فیکٹری میں آگ لگ گئی تھی، جس کی وجہ سے فیکٹری کے آپریشنز فوری طور پر معطل کر دیے گئے اور نقصان کا جائزہ لیا جا رہا ہے۔

قبل ازیں، 3 اپریل کو حبشان گیس فسیلیٹیز میں آگ لگنے کی وجہ سے عارضی طور پر کام بند کیا گیا تھا، جس میں ایک مصری شہری ہلاک اور چار دیگر زخمی ہوئے تھے، جن میں دو مصری اور دو پاکستانی شامل تھے۔

حکام کا کہنا ہے کہ فضائی دفاع کی کارروائیاں کامیاب رہی ہیں، مگر ملبہ اور شریپل کے نتیجے میں بعض علاقوں میں نقصان اور زخمیوں کے واقعات سامنے آ سکتے ہیں۔